Coma todos os anos, desde a Biblioteca do colexio, queremos animarvos a que disfrutedes da lectura, e para eso achegamos algunha recomendación. Aproveitade estas vacacións para visitar a Biblioteca pública porque alí atoparedes ademáis destas lecturas, outras ben interesantes.
Aquí vos deixamos algúns exemplos do moito que traballastes no mes de novembro: MES DA CIENCIA NA BIBLIOTECA facendo expreimentos relacionados coa auga.
3º A
Recursos para traballar o 25N:
Para celebrar o 25N: DÍA INTERNACIONAL PARA A ELIMINACIÓN DA VIOLENCIA CONTRA A MULLER os equipos de Biblioteca, Normalización linguística e Extraescolares propoñen realizar un mural colaborarivo: O Río de Esquecemento.
Cada un de nós faremos un barquiño de papel no que escribiremos os aspectos negativos que queremos esquecer en torno á violencia que a sociedade exerce contra as mulleres.
Tamén vos deixamos algúns recursos que podedes atopar na biblioteca e na Internet para traballar nas aulas:
https://youtu.be/NuhZZdjRU-g?si=WJupw_IPdzgQBZgw
Xa estamos en novembro e toca falar de.....CIENCIA!!!
Se sempre queres saber cando, como e por que suceden as cousas...é posible que teñas unha pequena científica no teu interior. Aquí che deixamos algúns recursos para descubrilo:
Presentamos o PDI, Proxecto Documental Integrado, que imos desenvolver este curso 24/25:
O RÍO MIÑO, O NOSO VECIÑO
O noso colexio está situado á beiriña do Río Miño. A súa auga acaricia suavemente o noso centro e é testemuña da vida e das historias que cada curso transcorren aquí. Pero o propio río tamén está cheo de vida e de historia, só temos que asomarnos un pouquiño para atoparnos coas familias de parrulos, ca nosa veciña a garza que sempre nos saúda ao cruzar a Ponte Vella ou coas lontras que asoman a súa cabeciña, de cando en vez, mentres nadan veloces cara ao Balneario que acolle no seu interior As Termas Romanas.
Este curso, en Biblioponte, queremos animarvos a coñecer ao noso veciño, O Río Miño, que aínda que está aquí, ao ladiño, poucas veces imos parolar con el, preguntarlle como está de saúde, cantas especies diferentes de árbores viven ao seu carón ou se os moitos animaliños que habitan nas súas augas ou entre as súas pedras se portan ben con el.
Por iso, queremos que fagades esta actividade na aula para saber que sabede sobre o noso veciño e que máis cousas queredes saber:
OBXECTIVOS:
Boas rapazada,
O 24 de outubro celebramos o Día da Biblioteca que este curso ten como lema "BIBLIOTECA ESCOLAR, Á ESCENA!. Aquí vos deixamos o cartel:
Aquí estamos de novo para animarvos a participar na proposta que o ENDL Extraescolares e BIBLIOTECA traemos para celebrar o Samaín:
Xa estamos no outono. época de castañas, follas caídas e festas cheas de maxia e meigas. A finales do mes de outubro, conta a lenda, que as portas do munto dos mortos e dos vivos abríanse para permitir o tránsito dos espíritos. Esta festa do día dos mortos celébrase por todo o mundo e recibe distintos nomes:
SAMAÍN, HALLOWEEN, DÍA DOS MORTOS, ...
II CONCURSO DE RELATOS ARREPIANTES
Boas rapazada!
Aquí estamos de novo en Biblioponte coa cabeciña zoando en busca de novas lecturas e proxectos que nos leven por aventuras maravillosas neste curso que acaba de comezar.
Como cada ano as titorías disporán dúnha hora para baixar á biblioteca, o alumnado voluntario xa está quecendo motores para colaborar nas tarefas de préstamo, organización,... As mochilas viaxeiras comezarán a súa andaina polas casas en breve e temos outras interesantes propostas que xa están dando os primeiros pasos:
- Iniciamos unha viaxe fantástica no CLUB DE LECTURA co Misterio de Portomarín de Antía Yáñez.
- As nenas e nenos de 4º comezaron un precioso proxecto para crear audiolibros para o alumnado de EI e da Aula Específica.
Como vedes en Biblioponte non hai tempo que perder. Colle folgos e agárrate a un libro!!!
Esperámoste en BIBLIOPONTE!!
Ben rapazada, sei que estades esperando este vídeo sobre as Xornadas de Xogos tradicionais que desfrutamos na semana das Letras Galegas. Dende os Equipos de Normalización Lingüística e Biblioteca queremos darvos as grazas polo moito que vos implicastes e o ben que traballastes para levar a cabo este proxecto.
Non esquezades que os materiais creados por todas e todos vós, estarán á vosa disposición para xogar nos tempos de lecer.
O alumnado de 3ºB fixo unha tarefa de investigación sobre un aspecto máis persoal da escritora. A súa faceta de activista dentro do Movemento Nunca Máis, con motivo do afundimento do Prestige na costa galega.
Aquí vos deixamos o podcast: Luisa Villalta e o Prestige: