Despedida do Día de Rosalía

Despois de varios días compartindo poemas de Rosalía de Castro a través das fermosas lecturas do noso alumnado, chegamos á última entrada desta pequena pero moi especial iniciativa. Nesta ocasión, reunimos as voces de varias nenas que, con ilusión e agarimo, deron vida aos versos dunha das grandes figuras da nosa literatura. Cada lectura foi única e chea de sentimento, demostrando o talento e o compromiso dos máis pequenos coa nosa lingua e cultura. Queremos dar as grazas de corazón a todo o alumnado participante, así como ás familias e profesorado que fixeron posible este proxecto. Grazas por compartir, por aprender e por manter viva a voz de Rosalía. Agardamos que desfrutásedes tanto como nós desta experiencia!
Icía 4º Noelia 4º Lara 4º Estela 4º

CELEBRAMOS O DÍA MUNDIAL DA POESÍA E A ÁRBORE (21 marzo) E O DÍA MUNDIAL DA AUGA (22 marzo)

 O 21 e 22 de marzo son datas sinaladas que unen tres elementos esenciais para a vida e a cultura, xa que o 21 celebramos o Día Mundial da Poesía e o Día  Mundial da Árbore e o 22 o Día Mundial del Agua.

Este curso para celebralos animámosvos a participar nun Certame de Poesía Ilustrada. Os traballos premiados participarán nun programa especial en PONTE NA RADIO, a nosa radio escolar.

Día de Rosalía de Castro 2

Rosalía segue soando na radio 📻 Hai uns días compartimos algunhas lecturas moi especiais: nenos e nenas da biblioteca lendo poemas de Rosalía de Castro na radio. Pois a aventura continúa! Hoxe traemos máis voces novas que se animaron a poñerlle emoción aos versos de Rosalía. Con algún nervio ao principio, pero tamén con moita ilusión, os rapaces demostraron que a poesía tamén pode soar moi ben nas ondas da radio. E isto non remata aquí… continuará! 📚🎙️
En primeiro lugar: Eire En segundo lugar: Mara En terceiro lugar: María e Isabel

Club de lectura 5º A

No Club de Lectura de 5º A seguimos avanzando na nosa lectura de “Momo”. 📚✨ Pouco a pouco imos descubrindo máis cousas sobre esta rapaza tan especial que sabe escoitar coma ninguén. En cada encontro comentamos o que vai pasando na historia, compartimos as nosas opinións e tamén aparecen teorías do máis interesantes sobre o que pode ocorrer nas próximas páxinas. 🤔 Entre comentarios, risas e algunha que outra sorpresa, a historia está enganchándonos cada vez máis. Porque no noso club non só lemos… tamén pensamos, debatemos e imaxinamos xuntos. A lectura continúa, así que moi pronto volveremos ao blog con novas impresións e descubrimentos sobre “Momo”. Estade atentos! 👀📖

Día de Rosalía de Castro

No cole temos lectores e lectoras moi especiais… ¡o alumnado! 📚✨ O 23 de febreiro, para celebrar o Día de Rosalía de Castro, prepararon algo moi bonito: a lectura de varios poemas desta gran autora da nosa literatura. Con moita atención, voz clara e algún que outro nervio, mergulláronse nas palabras de Rosalía para compartilas con todos nós. Porque os seus versos seguen vivos e gústanos moito escoitalos e descubrilos xuntos. Estamos moi orgullosos deles e delas por poñerlle voz á poesía e por celebrar a Rosalía dun xeito tan especial. 💙 Agora convidámosvos a escoitar a súa lectura… Preparados para deixarvos levar polos versos de Rosalía? ▶️📖
En primeiro lugar: Silvia, Fabiola e Daniela Verdes En segundo lugar: Ainara, Olaya, Lía e Daniela García En terceiro lugar: Noelia e David Agora convidámosvos a escoitar esta primeira lectura… pero atención! 👀 En breve iremos subindo máis lectores e lectoras, porque no cole temos moitas ganas de seguir enchendo o blog de poesía. Así que… estade atentos! ▶️📖

Conmemoración na radio do Día de Rosalía de Castro, alumnado de 5º de infantil

No cole tivemos uns artistas moi especiais… ¡o alumnado de quinto de infantil! 🎶🦉 O 23 de febreiro, para celebrar o Día de Rosalía de Castro, prepararon unha actuación moi divertida: cantaron a canción “O moucho” con moito ritmo, ilusión e algunha que outra risa polo medio. Entre notas, voces pequeniñas e moita emoción, demostraron que a música e o galego tamén se celebran cantando e pasándoo moi ben. E, por suposto, fixérono como auténticos artistas! ⭐ Estamos moi orgullosos deles e delas, porque puxeron todo o seu entusiasmo para homenaxear a Rosalía dun xeito moi especial. Agora convidámosvos a escoitar o audio desta actuación tan simpática… Seguro que o moucho vos saca máis dun sorriso! ▶️🦉

Club lectura 5º B

📚 Hoxe no club de lectura Hoxe contamos coa participación de Hugo Ramos, Hugo Potente e Icía de 5ºB, que van comentar o libro "Plan de rescate" de Antía Yáñez. Compartirán as súas opinións sobre a historia, os personaxes e o que máis lles chamou a atención. Agardamos que sexa unha boa sesión de intercambio de ideas arredor da lectura 📖

Rap de Rosalía de Castro

🎤 Día de Rosalía de Castro As alumnas de 4º sorprenderon hoxe cun rap moi especial inspirado en Rosalía de Castro. Con moito ritmo e creatividade, adaptaron os seus versos e déronlle un toque moderno á súa poesía. Unha forma diferente e moi orixinal de achegarse á súa obra 🎶📖

Día de Rosalía de Castro

🌹 Día de Rosalía de Castro Hoxe celebramos o Día de Rosalía de Castro cunha actividade moi especial. O alumnado participou lendo poemas desta autora tan importante da nosa literatura. Foi un momento sinxelo e bonito, no que puidemos escoitar diferentes voces dando vida aos seus versos. Unha boa maneira de achegarnos á poesía e lembrar a Rosalía 📖 Julio, 5ºB Aroa, 5º A Celia, 4º Òscar, 4º

Club de lectura 5º B

Un novo día de debate literario no cole 📚💬 Outro día máis, o alumnado de 5º B volveu xuntarse para falar do libro Plan de rescate de Antía Yáñez. Nesta ocasión comentamos escenas que nos pareceron máis sorprendentes e debatemos sobre as decisións que toman os personaxes ao longo da historia. Non faltaron as opinións diferentes, algunha que outra teoría curiosa e moitas ganas de participar. Cada intervención achegou unha nova maneira de entender o libro. Foi unha sesión moi amena na que, ademais de ler, aprendemos que escoitar as ideas dos demais tamén forma parte da aventura da lectura. 📖✨

Club de lectura 5º A

No Club de Lectura de 5º A as páxinas do libro non se quedan só no papel… ¡dan moito que falar! 📚💬 Nun dos nosos encontros tocou poñer as ideas enriba da mesa e comentar diferentes momentos da lectura. Algunhas opinións coincidían, outras eran totalmente distintas… e iso fixo que a conversa fose aínda máis interesante. Falamos das personaxes, das decisións que toman e tamén do que fariamos nós se estivésemos na súa situación. Quedou claro que cada lector e lectora ve a historia dun xeito diferente, e iso fai que o club de lectura sexa un lugar cheo de boas reflexións. 🤔 A historia continúa e seguro que nas próximas reunións aparecerán novas preguntas, novas ideas e moitas máis conversas lectoras. Seguide atentos ao blog! 👀

13 FEBREIRO. DÍA MUNDIAL DA RADIO 25/26

Este ano PONTE NA RADIO únese ás radios escolares do Mundo a través da rede de Radio Espora, PARA COMEMORAR o Día Mundial da Radio. O alumnado de 5ºB gravou un microteatro radiofónico sobre un acontecemento fantástico ocorrido  no noso cole. Premede no enlace para escoitar e ler sobre a nosa participación neste día tan espoecial para a nosa radio escolar.

http://espora.eu/dia-mundial-da-radio-2026-world-radio-day-2026/

OBRADOIRO RADIO NA BIBLIO 25/26

 Boas rapazada,

Esta semana o alumnado de 5ª de Educación Primaria desfrutou dun estupendo Obradoiro de Radio da man de Damián Alonso de PON ( Ponte Nas Ondas), que xa é un vello coñecido porque leva acompañándonos xa un tempiño nas nosas andainas polo mundo da radio.

Este ano, traballamos toda a mañá. Falamos  da variedade de programas que podemos facer na radio escolar, traballamos a dicción, eleximos e escribimos o guión do noso programa por parellas e, finalmente, gravamos un super programa.

Aquí vos deixamos unha mostra do traballo realizado e o programa de radio para que vexades que artistas e canto saben estos rapaces.

DÍA DA PAZ E DA NON VIOLENCIA 25/26: O CAMIÑO DA PAZ

Este ano celebramos Día da Paz e Non Violencia coa actividade: 

O Camiño da Paz

Unha actividade simbólica e participativa para todo o centro, que relaciona os valores da paz e da non violencia co Camiño de Santiago (PDI) como espazo de encontro, diversidade e colaboración.

Obxectivos

- Reflexionar sobre a paz como un camiño que se constrúe día a día.

- Coñecer o Camiño de Santiago como símbolo de encontro entre culturas.

- Fomentar valores como o respecto, a empatía, a solidariedade e o diálogo.

- Implicar a todo o alumnado nunha acción común pola paz.

Desenvolvemento da actividade

Nas aulas falamos sobre que a PAZ e como se constrúe, achegándonos a idea clave: A Paz é un camiño que se constrúe paso  a paso, igual que o Camiño de Santiago.

Na biblioteca ofrecemos unha recompilación de contos e textos para introducir ou traballar o tema da PAZ na aula. 

 

No cole creamos  un Camiño da Paz  con frechas, pegadas  simbólicas nas que escribimos palabras ou frases que recolleron as reflexións que fixemos nas aulas:

Cada nena/ o fixo unha Vieira da Paz con compromisos persoais para  portar o 30 de xaneiro no que tiñamos previsto formar todas/os o símbolo da paz no patio. Esta actividade non se puido levar a cabo debido ao mal tempo que nos acompañou durante todo o mes de xaneiro.

Este é o noso  MANIFESTO POLO DÍA DA PAZ 

“Camiñamos xuntos pola Paz”

Hoxe, 30 de xaneiro,

reunímonos como comunidade educativa

para lembrar algo moi importante:

a paz é un dereito de todas as persoas

e tamén unha responsabilidade de todas e todos.

No mundo no que vivimos

hai nenas e nenos que non poden ir á escola,

que escoitan ruídos de bombas en vez de risas,

que teñen que abandonar as súas casas

por mor das guerras.

Pensamos hoxe nas persoas que sofren

os conflitos que vemos nas noticias:

en Palestina, en Ucraína, …

e noutros lugares do mundo

onde a violencia fai dano

especialmente aos máis pequenos.

Desde o CEIP A PONTE queremos dicir ben alto

que ningunha guerra é xusta,

que a violencia nunca é o camiño,

e que a PAZ comeza

co respecto, coa escoita

e coa colaboración entre os pobos.

Este ano falamos da PAZ

como un camiño,

igual que o Camiño de Santiago:

un camiño no que persoas diferentes

comparten pasos, axudan cando alguén cae

e avanzan xuntas cara a unha mesma meta.

No Camiño apréndese

que ninguén chega só,

que todas as persoas importan

e que a diversidade é unha riqueza.

Por iso hoxe comprometémonos a: 

- Resolver os conflitos falando e non pegando.

- Respectar a quen pensa ou sente diferente.

- Axudar a quen o necesita.

- Coidar as palabras e os xestos.

- Ser construtores e construtoras de paz no día a día,

...

Porque a PAZ mundial comeza nas pequenas accións:

nunha aula, nun patio, nunha amizade.

Desde aquí enviamos unha mensaxe ao mundo enteiro:

queremos camiñar polo camiño da colaboración mundial,

onde os países dialoguen,

onde os pobos se respecten

e onde todos os nenos e nenas

poidan vivir sen medo.

Hoxe, como no Camiño de Santiago,

camiñamos xuntos e xuntas pola PAZ.

Paso a paso.

Man con man.

Ata que a PAZ chegue a todos os recunchos do mundo.

Feliz Día da Paz a todas e todos!!!

ENTROIDO NO CAMIÑO 25/26

 Boas rapazada!

Xa chega o Entroido e

 o Meco comeza a mandar! 

Como este ano  "O  Camiño"

estamos a traballar!

Unha capa, unha cuncha,

unha mochila ... buscarás

e imaxinando e fedellando

o teu disfraz farás.

Feliz Entroido!!!

Conmemoración do Día Internacional da Eliminación da Violencia contra a Muller (25N) 💜

No cole tivemos unha sorpresa moi especial! 🎙️✨ Un grupo de alumnas de quinto convertéronse por un día en auténticas xornalistas e artistas da radio. Con motivo do 25N, prepararon unha pequena entrevista na que falaron sobre a importancia de respectarnos, tratarnos ben e dicir non á violencia. Pero iso non foi todo… porque tamén nos regalaron algo moi especial: unha canción chea de forza e mensaxe que cantaron na radio para que todo o mundo a puidese escoitar. 🎶💜 Fixérono xenial: con nervios, ilusión e moitas ganas de que a súa voz chegase moi lonxe. Estamos moi orgullosos delas! Agora convidámosvos a escoitar o audio e descubrir como soan estas estrelas da radio de quinto. Preparados? Dádelle ao play! ▶️

Club de lectura 5º B e 6º

Debate literario sobre Plan de rescate 📚🚀 O alumnado de 5º B e 6º participou nun divertido debate sobre o libro Plan de rescate de Antía Yáñez. Durante a actividade comentamos as partes que máis nos gustaron, falamos dos personaxes e imaxinamos que fariamos nós se tiveramos que organizar un rescate. Houbo opinións moi diferentes, ideas sorprendentes e tamén moitas risas. Descubrimos que cada persoa entende a historia dun xeito distinto e que compartir o que pensamos fai a lectura aínda máis interesante. Sen dúbida, foi unha actividade moi entretida que nos animou a seguir lendo e falando de libros! 📖✨