O INVERNO
O inverno chamou á porta,
trouxo con el chuvia e frío,
as nubes choran, choran,
a auga subiu no río.
O noso castiñeiro
espidiño e sen cor,
chora, chora, triste,
porque non ten calor.
Neste día de inverno,
chove, chove, sen parar,
o noso castiñeiriño,
vaisenos constipar.
O inverno chamou á porta,
trouxo con el chuvia e frío,
as nubes choran, choran,
a auga subiu no río.
3º
A ALIMENTACIÓN SAUDABLE
"A alimentación saudable" foi o tema do Entroido 2015, polo que os cociñeiros, cociñeiras e chesfs de cociña, estaban moi preparados para cociñar exquisitos pratos todos eles co selo de saudables, así cada curso escolleu un menú equilibrado para mostrarlle ao resto e facer chegar á comunidade educativa una sinxela mensaxe: unha comida saudable e practicar deporte é fundamental para gozar de boa saúde e previr enfermidades.
POEMAS DE AMOR
O alumnado de 6º selecciona poemas de amor para recitar ao resto do alumnado na biblioteca. Ainara Expósito Penín, recita un poema de Aquilino Iglesia Alvariño, poeta galego do século XX, titulado "O meu corazón" do seu libro "Polo correo do vento" cheo de sensibilidade e musicalidade e Sandra Puebla González recita un poema de Gustavo Adolfo Bécquer, poeta romántico do século XIX, da súa obra "Rimas y Leyendas" chea de sonoridade e unha fonda fermosura poética,
A
UN CONTO DE AMOR
AVÓS é un libro editado por Kalandraka, escrito por Chema Heras e ilustrado por Rosa Osuna con suma delicadeza e xunto co lirismo das voces dos naradores fan de este conto de amor, unha historia romántica e poética repleta de metáforas encadenadas
CONTACONTOS
Patricia González e Álex Fente, encheron a bilbioteca de contos e cantos para o alumnado de 1º e 2º de primaria, tomando como punto de partida o conto de Anthony Browne titulado SACAPENAS, onde os bonecos "sacapenas" son o símbolo do relato que nos abre a porta a outra cultura. Dende hai moito tempo os nenos e nenas de Guatemala fabricábanos con pauciños e restos de teas e fíos, á hora de deitarse, cóntanlles unha preocupación e déixanos debaixo da almofada para que ao día seguinte, esperten sen inquedanzas.
DÍA DA PAZ
O día 30 de xaneiro, para conmemorar a morte de GANDHI, celebramos o DÍA ESCOLAR DA NON VIOLENCIA E A PAZ, cunha serie de actividades, resultado do traballo de investigación e reflexión do alumnado, expoñendo para a comunidade educativa, Covadonga Cosío, o Decálogo para a paz, Mario Lourés, Denunciamos... e Guillermo Lamus a vida de Malala Yousafzai, premio Nobel da paz 2014. Recordando sempre a necesidade da educación para a tolerancia, a solidariedade, o respecto aos Dereitos Humanos, a non violencia e a paz.
Suscribirse a:
Entradas (Atom)
