POESÍA DESDE PONTE NA RADIO POLO DÍA DAS LETRAS GALEGAS

Por este 31 de outubro( Día da letras galegas, cambiado pola RAG para o 31 de outubro e que finalmente tampouco puido ser por mor da pandemia que estamos a vivir) recordamos, desde >PONTE NA RADIO, o recital poético en homenaxe a Ricardo Carvalho Calero, xénero literario ao que dedicou parte da súa obra. Icía, Manuel e Xenxo recitan poemas de Rosalía de Castro e de Manuel María. Aquí vos deixamos os nosos podcasts, realizados desde o confinamento polo 17 de maio de 2020, que están subidos á plataforma Ivoox, desde onde tamén podedes escoitalos.

RICARDO CARVALHO CALERO

Recordamos polo 31 de outubro a vida e obra de Ricardo Carvalho Calero, realizada desde o confinamento polo 17 de maio de 2020

Carvalho Calero

Publish at Calameo

31 DE OUTUBRO DÍA DAS LETRAS GALEGA

 31 DE OUTUBRO DE 2020

Por causa da crisis sanitaria que estamos a vivir e que impediu realizar as actividades programadas para conmemorar o 17 de maio, a Real Academia Galega decidiu  retomar neste mes de outubro  a celebración do día das Letras Galegas dedicadas a Ricardo Carvalho Calero. Finalmente tampouco puido ser por mor das restricións impostas para estas datas, pero decidimos igualmente dar visibilidade as actividades realizadas. Desde Biblioponte, recordamos neste día o RECITAL POÉTICO como homenaxe a Ricardo Carvalho Calero, feito desde o confinamento o 17 de maio.

 

A CASA ENCANTADA

 Polo Samaín, Iker de 4º, le o libro de Kazuno Kohana, A CASA ENCANTADA. Unha divertida historia de fantasmas. Unha enorme e vella casa das aforas da cidade esconde unha terrorífica sorpresa. Pero...quen teme aos fantasmas? A protagonista do conto non.

Traducción ao galego feita polo alumnado de 6º

SAMAÍN 2020

 Recomendacións lectoras polo Samaín. Libros de bruxas, de monstros, de esqueletos, de zombis, de arañas, de cabazas... Non deixes de ler os títulos que recomendamos desde a biblioteca, dan tanto medo que pasarás unha terrorífica noite de Samaín

FELIZ DÍA DAS BIBLIOTECAS!!

 

PROTOCOLO COVID-19 BIBLIOTECA ESCOLAR

• Neste curso 2020/2021, un curso marcado pola dificil situación de pandemia que estamos a vivir, somos conscientes do reto que supón a realización das actividades na biblioteca, nun momento no que o prioritario é levar a cabo as medidas de seguridade, a pesar de todo, intentaremos que a nosa biblioteca siga sendo o espazo de referencia para o disfrute da lectura, a formación, a investigación, a información e as aprendizaxes.

Protocolo Covid-19

Publish at Calameo

XEOGRAFIAS LECTORAS NA BIBLIOTECA ESCOLAR

A Consellería de Cultura, Educación e Universidade publica o lema e o cartel para as bilbiotecas escolares de Galicia para o curso 2020/2021. O lema elixido, XEOGRAFÍAS LECTORAS NA BIBLIOTECA ESCOLAR, quere poñer o foco nas posibilidades que ofrece a Biblioteca Escolar para a construción da persoa lectora.

 XEOGRAFÍAS LECTORAS NA BIBLIOTECA ESCOLAR convida a explorar todas as posibilidades da lectura: en calquera formato, en calquera soporte, con calquera finalidade; lecturas textuais e icónicas, imaxes fixas e en movemneto; lectura de gráficos, planos, mapas ou infografías; lecturas individuais ou compartidas, en silencio ou en voz alta; lectura de ficción e de información; lectura libre e guiada; lectura que nos axude a comprender mellor o noso mundo e lectura que nos axude a entender o mundo dos outros...