Toda a comunidade educativa responde a esta pregunta: "Para que les?", dando as súas recomendacións e opinións sobre a lectura. Pretendemos que esta actividade sexa un referente de motivación lectora para o noso alumnado e que sirva para afianzar hábitos lectores ao longo de toda a vida.
O Blog da biblioteca escolar do CEIP “A Ponte” de Lugo “BIBLIOPONTE”, bota a andar neste mes de abril de 2010, no que se celebra o mes do libro, con moitas gañas de compartir todas as actividades que desde a nosa biblioteca estamos facendo.
Pretendemos que a nosa biblioteca sexa viva, xeradora de todo tipo de aprendizaxes, fonte de información, espazo de encontro coa cultura, coa imaxinación e co saber.
