Blog da Biblioteca do C.E.I.P. A Ponte de Lugo

COIDAMOS O NOSO PLANETA

O alumnado de 5º de educación Infantil xunto súa profe Rosa María Guerra Sánchez, participaron nun taller de reciclado de papel. As nenas e os nenos a partir de papel de periódico, fixeron o seu propio papel, que unha vez seco utilizaron para facer debuxos de árbores e asi concienciarse da importancia que ten o reciclado para o coidado do medio ambiente e polo tanto do noso planeta. Esta actividad está dentro do proxecto anual de centro de Coidado do Medio Ambiente

POEMAS DE MANUEL MARÍA

O alumnado, de 5º A, disfruta recitando poemas, en este caso o poeta escollido é Manuel María e do seu libro "Os soños na gaiola" Os tres poemas escollidos son: O meu barco, A vaca e O soñador.

ENTREVISTA A ISMAEL, CONSERXE DO COLE, SOBRE OS BATUXOS

O alumnado de 5ºB entrevista a Ismael, o conserxe do cole, sobre os Batuxos, embarcacións tradicionais do río Miño, pois os utilizaba a cotío na súa infancia e así facer un podcast na nosa emisora Ponte na Radio sobre este tema tan interesante.

OBRADOIRO DE PAPEL RECICLADO

Dentro do proxecto anual de centro sobre O Coidado do Medio Ambiente, o alumnado de 6º A de educación Infantil xunto coa súa profe Ire, fixo un obradoiro de reciclado de papel, de forma sinxela e divertida, para coñecer a importancia de protexer, coidar e preservar o medio ambiente asi como conservar os recursos naturais.

MANGA

As alumnas de 6º de primaria, Iria e Leire, son unhas ávidas lectoras do Manga, pero tamén son moi creativas e decidiron compoñer a súa propia historia e publicala para que as compañeiras e compañeiros podan lela e así aficionarse a este xénero xaponés que é o favorito delas

A PONTE VELLA 2021

Un novo número do noso xornal escolar, A Ponte vella, sae publicado, este ano, só en formato dixital. Nel aparecen recollidos traballos e propostas creativas do noso alumnado, realizados ao longo deste atípico curso. Esperamos que disfrutedes coa súa lectura. Felices vacacións!!!!

RECOMENDACIÓNS LECOTRAS 2021

Recomendacións lectoras no verán 2021 Lecturas para saber, para aprender, para disfutar, para medrar...

POESÍA EN PONTE NA RADIO

Manuel de 5º C, recita o fermoso poema, Adiós ríos, adiós fontes, de Rosalía de Castro

MÁIS PROGRAMAS DE RADIO

Continuamos con máis programas de radio, en este caso o alumnado de 5ºB expón a través de catro podcats algunhos dos interesantes traballos realizados a través do curso

PROGRAMAS DE RADIO

O alumnado de 5º A, despois de facer varios traballos de investigación sobre o coidado do medio ambiente e o respecto aos animais, grava na nosa emisora de radio Ponte na radio catro interesantes podcats para dar a coñecer as conclusións dos seus traballos

TALLER DE POESÍA

VIAXAMOS ENCANTADOS FACENDO PAREADOS é o titulo que recolle as creacións poéticas das nenas e dos nenos de 2º de primaria. Niste vídeo recitan os seus propios versos en un divertido xogo coa lingua, facendo rimas, pareados, xogos de palabras...para, diste xeito, acercarse á poesía e aprender a disfrutar da súa lectura e a facer as súas propias composicións

ERA UNHA VEZ NA QUIMBAMBA

As nenas e os nenos de 3º e 4º de primaria recitan poemas do libro de Antón Cortizas ERA UNHA VEZ NA QUIMBAMBA. Ao escoitar recitar, os poemas diste divertido libro, entramos nun mundo de fantasía, rimas, sonoridade, imaxinación e humor.

PONTE NA RADIO: PROXECTO MEDIO AMBIENTE

Niste novo programa de Ponte na radio, o alumnado de 5º de Educación Infatil xunto coa súa profe Rosa Mª Guerra e a alumna de prácticas María Aída García Rego desenvolveron un interesante proxecto sobre o MEDIO AMBIENTE, que quedou plasmado nun emotivo e espontáneo programa de radio onde as nenas e os nenos expresaron todo o que aprenderon sobre os distintos tipos de enerxías, a reciclaxe e o que hai que facer para conseguir un mundo mellor. 
 
 Tamén participaron,dirixidos pola súa profe Rosa María Guerra Sánchez, nun obradoiro de Reciclado de papel. As nenas e os nenos a partir de papel de periódico, fixeron o seu propio papel, que unha vez seco utilizaron para facer debuxos de árbores e así concienciarse da importancia que ten o reciclado para o coidado do medio ambiente e polo tanto do noso entorno.

 

PONTE NA RADIO: XELA ARIAS

Polo día das Letras Galegas 2021, este ano dedicado a Xela Arias, o alumnado de 6º de primaria fixo un traballo sobre a vida e obra da homenaxeada que quedou plasmado nun pequeno programa na nosa radio escolar, "Ponte na Radio"

 

POESÍA POLO DÍA DAS LETRAS GALEGAS

A poesía de Rosalía de Castro, sempre presente no día das Letras Galegas. Adiós ríos, adiós fontes... un dos seus poemas máis coñecidos, recitado por Manuel e Noelia de 5º

O ALUMNADO DE 4 ANOS NO DÍA DAS LETRAS GALEGAS

Os nenos e as nenas de educación infantil de 4 anos, para celebrar a semana das Letras Galegas, fan debuxos baseados na obra de XELA ARIAS que gañou o premio de O Facho cando tiña once años, titulada "A fraga dos paxaros faladores e a fraga leopardicia

O ALUMNADO DE 5 ANOS CANTA O HIMNO GALEGO POLO DÍA DAS LETRAS GALEGAS

Para celebrar o día das Letras Galegas o alumnado de 6º de Educación Infantil canta o HIMNO GALEGO, primeiro no patio e despois na biblioteca. A letra da canción é o poema titulado Os pinos escrito por Eduardo Pondal que forma parte da súa obra "Queixumes dos pinos" e a música foi composta polo músico galego Pascual Veiga.

Tamén cada nena e cada neno fixo un pequeno libro para coñecer un pouco da vida e obra de XELA ARIAS, autora homenaxeada por este día das Letras Galegas 2021 

 

XELA ARIAS

 Letras Galegas 2021

Traballo de investigaciòn sobre a vida e obra de Xela Arias ilustrado polo alumnado de 5º e 6º de primaria 

Ademais a presentación oral polo alumnado, primeiro, de 1º de primaria e a continuación polo de 6º de primaria

PRESENTACIÓN DE XELA ARIAS EN GENIALLY

Presentación en Genially de XELA ARIAS. A primeira para 4º, 5º e 6º e a Ruleta das palabras para comprobar canto sabemos da poeta á que se lle deica o día das letras galegas 2021. A segunda presentación para 1º, 2º e 3º

OS MAIOS

Os maios é unha festa popular galega para festexar a chegada da primavera e o final do inverno con cantos e con creativas construccións vexetais

JOSÉ CAMPANARI EN VIDEOCONFERENCIA POLO DÍA DO LIBRO

O alumnado de 1º de primaria, para celebrar o día do libro, falou por videoconferencia con JOSÉ CAMPANARI autor do libro SÍGUEME, ilustrado por Roger Olmos e editado por OQO,que foi o libro escollido por toda a clase como favorito. Campanari contestou a todas as preguntas que as nenas e os nenos lle fixeron.

O PROFESORADO TAMÉN RECOMENDA POLO DÍA DO LIBRO

Para celebrar o día do libro,o profesorado tamén compartiu o seu gusto lector a través da plataforma dixital Padlet

Made with Padlet

RECOMENDACIÓNS LECTORAS DE EDUCACIÓN INFANIL E CONTACONTOS NA BIBLIOTECA, POLO DÍA DO LIBRO

As familias do alumnado de educación infantil de 5 anos a través da ferramenta multimedia PADLET compartiron os gustos lectores dos seus fillos e fillas para celebrar o día do libro, e para seguir disfrutando cos libros e cos contos participaron dunha divertida sesión de contacontos na biblioteca.

Made with Padlet

DÍA DO LIBRO 2021

Que mellor forma de celebrar o día do libro que poñernos todos de acordo para recomendar un libro co obxectivo de fomentar a lectura como ferramenta para a apertura hacia novos coñecementos e recurso que axuda ao desenvolvemento da creatividade e as capacidades cognitivas. A orixe do do día do libro data de 1926 e é debido a que nese día morreron Cervantes, Sakespeare e Garcilaso de la Vega. Neste día, como acto simbólico para a literatura, recordamos o obra universal de Cervantes Don Quixote da Mancha, lemos a aventura dos muíños e debuxamos

Tamén, o alumnado de 1º charlou por videoconferencia con JOSÉ CAMPANARI do seu libro Sígueme

ADIÓS RÍOS, ADIÓS FONTES

Polo día da poesía Manuel de 5º C recita Adiós ríos, adiós fontes, fermoso poema de Rosalía de Castro que en boca de Manuel cobra unha sensibilidade e unha musicalidade especiais. Noraboa Manu!!!

PAREADOS POLO DÍA DA POESÍA

A creación de pareados sinxelos, graciosos e divertidos, nun ambiente musical e moi agradable de escoitar, foi o acercamento á poesía do alumnado de 2º e de 3º para iniciarse na escritura de poemas.

RIMA ARRIMADA

Polo día da poesía, Iker de 4º, recita o poema RIMA ARRIMADA do libro BECHOPOEMAS de Leire Bilbao e publicado pola editorial Kalandraka

OBRADOIRO DE PAPEL RECICLADO

Para concienciar ao alumnado da importancia que ten a reciclaxe na conservación do entorno e polo tanto no coidado do medio ambiente, os nenos e nenas de 2º, co seu profe Iago Calderón, participaron nun obradoiro de reciclaxe de papel. Reciclaron papel de periódoco para facer libretas e marcadores de libros.

DÍA DA MULLER 2021

O alumnado de 6º de primaria reflexiona sobre a IGUALDADE, plantexando situacións reais de desigualdade que sucenden no mundo actual que nos indican que aínda quedan moitas cousas polas que seguir loitando, por iso todos os días deberían ser 8 de marzo. Tamén presentan mulleres que a pesar das trabas e prexuicios de moverse en ámbitos masculinos, foron capaces de sobresalir e servir como exemplo a outras mulleres do mundo

ROSALÍA DE CASTRO

Hoxe 24 de febreiro celebramos o día de Rosalía de Castro. Rosaía naceu tal día como hoxe en 1837. Recordamos a súa vida, a súa obra e algúns dos seus poemas máis coñecidos: Adiós ríos, adiós fontes...e Airiños, airiños, aires...recitados polo alumnado de 5º. A súa vida e obra a través de textos realizados en traballos de investigación e tamén adaptados para o teatriño xaponés, kamishibai, e con ilustracións feitas polo alumnado de 5º de primaria.

 
 

DÍA INTERNACIONAL DA LINGUA MATERNA 2021

Hoxe, 21 de febreiro, é o Día Internacional da lingua materna. É importante que reflexionemos e nos demos conta do tesouro cultural que supón ter unha lingua propia, pois a lingua é un dos sinais de identidade e cultura fundamentais de calquer pobo

VENRES DE ENTROIDO 2021

Neste venres de entroido tan atípico, o cole encheuse de velliños e velliñas, sendo o resultado dunha serie de comandas que había que realizar ao longo da semana. Os nenos e nenas d 4º nolo contan en verso.

TEMPO DE ENTROIDO 2021

O Entroido galego é unha tradición moi singular con caracteríticas moi particulares nas diferentes máscaras e esmorgas, segundo as distintas provincias e sempre acompañado dunha boa gastronomía. Son moi coñecidos os Entroidos de: Xinzo de Limia (As pantallas), de Verín (Os cigarróns), de Cobres (As damas e os galáns), de Laza (Os peliqueiros), de Viana do Bolo (Os boteiros), de Manzaneda (os felos), de Vilariño de Conso (Os boteiros), de Chantada (Os volantes) de Póboa de Brollón (O oso de Salcedo)... e moitos máis.

LECTURAS QUE NAMORAN

Lecturas que namoran. Nesta época tan complicada aínda nos queda o amor pola familia, polos amigos...polos libros. Disfrutemos da lectura que os nenos e as nenas de 3º fan de dous libros fantásticos: SER AMIGO e QUÉROTE AVÓ que transmiten mensaxes de amor, de afeto, de cariño...

ENTROIDO 2021

Neste Entroido tan especil, o alumnado de 4º de primaria dá lectura aos dous libros escritos por Ramón Veiga e ilustrados por David Sierra: E TEMPO DE ENTROIDO e NON PARE A FESTA. Coa lectura dos dous libros imos descubrindo distintos personaxes do entroido galego que se xuntan co propósito de montar troula, pois é tempo de festa, de mácaras, de filloas e de cocido. O Entroido é tempo de cantar e bailar e os AMIGOS DA MÚSICA gravaron unha canción alegre e divertida baseada no libro "Non Pare a festa" así ademais de ler tamén podemos cantar para descubrir distintos personaxes típicos do Entroido galego

DÍA MUNDIAL DA RADIO 2021

 O día 13 de febreiro, celebramos O DÍA MUNDIAL DA RADIO, unha efeméride proclamada pola ONU en 2012. O obxectivo principal deste día é concienciar ao público e aos medios de comunicación acerca da importancia da radio, convidando a reflexionar sobre o seu servizo para, entre moitas accións, combatir a desinformación e axudar ás necesidades da sociedade.

Desde a nosa biblioteca, e a proposta do colectivo radiofónico Rede Espora, queremos celebrar este día  coa gravación de entrevistas aos nosos maiores: pais, nais, avós, avoas, bisavós e bisavoas, sobre a presenza da radio nas súas vidas, contestando a dúas preguntas: Cando eras pequeno/a cal era o teu programa favorito? e onde escoitabas a radio?

 Así quedaron as nosas aportacións:

Paula e Pedro de 1º, Noa de 4º e Celia de 5ºB Enol de Educación Infantil de 5 anos, Ainhoa de 5ºB, Lola Penalonga de 2º e Alba de Educación Infantil de 3 anos  e Carla de 4º

Adriana de 2º, Irene de 4º, Sergio de 5ºA e Lara de Educación Infantil de 4 anos Diego de 3º, Selma de 4º, Iago de 5ºA, Noelia de 5ºB e Adrián de 3º Tomé de 5ºB, Ada de 4º e Xián de 2º  

 REDE ESPORA: 

 Hoxe, 13 de febreiro a UNESCO promove o Día Mundial da Radio, nós para festexalo imos facer unha viaxe no tempo, da man dos nosos maiores, de toda a xente que ao igual que todos nós, dende que eran pequenas estiveron acompañadas pola maxia da radio. Deixémonos levar durante uns minutos nesta máquina do tempo polas lembranzas das persoas que nos acompañan e nos queren e achegan as súas voces dende as catro provincias galegas desde os seguintes centros educativos: CPI Manuel Suárez Marquier no Rosal, CEIP Ramón de Valenzuela en Bandeira, CEIP Ben-Cho-Sey de Pereiro de Aguiar, CEIP Frian en Teis, CEIP Víctor Saénz en Mazaricos, CEIP da Torre Cela en Bueu, IES Valadares de Vigo, CEIP A Ponte de Lugo, CEIP Plurilingüe de San Benito de Lérez en Pontevedra e o CEIP Plurilingüe de Chancelas en Combarro.

 Con estas aportacións recompiladas por Rede Espora figuramos a nivel mundial na web da UNESCO

 

DÍA INTERNACIONAL DA MULLER E A NENA NA CIENCIA

O día internacional da muller e a nena na ciencia, que se celebra cada ano o 11 de febreiro, foi aprobado pola Asamblea xeral das Nacións Unidas co fin de lograr o acceso e a participación plena e equitativa na ciencia para as mulleres e as nenas e tamén para lograr a igualdade de xénero e o empoderamento das mulleres e das nenas. Este día é un recordatorio de que as mulleres e as nenas desempeñan un papel fudamental nas comunidades de ciencia e tecnoloxía e que a súa participación debe fortalecerse. 

Para celebrar este día recordamos a científica MARIE CURIE que foi a primeira muller en recibir dous premios Nobel, en Física e Química e a primeira muller en ocupar o posto de profesora na Universidade de Paris. Elena e Noelia fan un repaso pola súa vida e obra. 

Tamén queremos visibilizar, novamente, os traballos realizados polo alumnado de 6º no mes de novembro, mes da ciencia, sobre mulleres científicas

SOLTA DE POMBAS

Como é tradición no noso centro, polo día da paz, tamén se fixo unha SOLTA DE POMBAS mensaxeiras, simbolo de paz, coa mensaxe de querer construír un mundo mellor, neste 30 de xaneiro de 2021, día de celebración do día escolar da paz e non violencia.

ABECEDARIO DA PAZ

ABECEDARIO DA PAZ. Para celebrar o día da paz e a non violencia, as nenas e os nenos de 2º de primaria, presentan un abecedario da paz con palabras de paz, amor, concordia, solidariedade...palabras e debuxos que representan o que nós podemos facer para construír un mundo mellor.

PAZ É...

 O 30 de xaneiro, celebramos o dia escolar da non violencia e a paz. As nenas e nenos de 2º de primaria reflexionan sobre o que é vivir en paz coa lectura do libro de Tood Paar O LIBRO DA PAZ

POLO DÍA DA PAZ, DI NON A...

Polo día da Paz decimos NON á violencia física, á violencia verbal, á violencia social, ao ciberacoso.

PREMIOS NOBEL DA PAZ

No día da Paz recordamos frases de Teresa de Calcuta, Martin Lhuter King, Yaser Arafat, Desmond Tutu, Dálai Lama, Lech Walesa, Nelson Mandela, Shirin Ebadi, Wangari Maathai, Malala Yousafzai...que son algunhas das personalidade que destacaron na defensa dos valores, da Paz e dos Dereitos Humanos aos que lle concederon o Premio Nobel da Paz, destacadas por dedicar décadas de esforzos infatigables por encontrar solucións pacíficas a conflictos, por impulsar a democracia, os dereitos humanos e fomentar o desenvolvemento económico e político.

A PAZ

 PAZ é viaxar a moitos lugares. PAZ é dar calor. PAZ é que todo o mundo teña un fogar... Para celebrar o DÍA DA PAZ as nenas e os nenos de 1º de primaria fan un repaso por todas as accións cotidiáns que cando se dan, constitúen un entorno de PAZ.

LIBROS DE PAZ

O día 30 de xaneiro  celebramos  o DÍA DA PAZ dedicado a conmemorar unha cultura de non violencia e de paz que permita ao noso alumnado adquirir coñecementos, actitudes e competencias que reforcen o seu desenvolvemento como ciudadáns críticos e comprometidos cos seus dereitos e cos dos demais. Na nosa biblioteca temos unha selección de libros que tratan sobre a tolerancia, a solidariedade, a concordia, o respecto aos Dereitos Humanos... a disposición de toda a comunidade educativa. 



 

PODCAST: PAN DE MILLO

As nenas e os nenos de 1º de primaria participan na bonita experienia de gravar un podcast na radio escolar do centro PONTE NA RADIO. O tema escollido foi o contido dunha canción  titulada "Pan de millo". A través da radio escolar podemos traballar tanto a nivel individual como grupal, moitas habilidades e competencias: lingüísticas, artísticas, musicais...utilizando a forma de podcast que consiste en compartir arquivos de audio de corta duración. 



APRENDENDO DO NOSO ENTORNO

As nenas e os nenos de 1º de primaria teñen múltiples oportunidades para descubrir e aprender do noso entorno, observando, compartindo, relacionándose, interactuando, investigando, explorando, respectando... O noso entorno é unha escola de aprendizaxe para lograr mellores persoas, máis respectuosas cos demais e con outros seres vivos (o mundo animal e o vexetal). Só o saber, o coñecemento e o sentimento nos fan espíritus críticos. Temos a posibilidade de desenvolver todo o noso potencial personal a través das diferentes experiencias que nos facilita o entorno.