Xa é tempo de Nadal e a nosa biblioteca énchese de libros para disfrutar, para compartir, para mirar, para comentar, para recomendar, para regalar...
PREPARANDO O NADAL
AS FROITAS. CALENDARIO 2020 DO COLECTIVO ESTIÑO
As Froitas é a temática do calendario do Colectivo estiño para o ano 2020. Este calendario realizado de xeito colaborativo por 27 centros educativos de Galicia ten como obxectivo realizar traballos de investigación en torno ao tema proposto que quedarán recollidos na revista escolar Miuzallas e de forma plástica no calendario de cada ano.
MURAL POLO DÍA INTERNACIONAL EN CONTRA DA VIOLENCIA DE XÉNERO
O 25 de novembro celebramos o día internacional en contra da violencia de xénero en memoria das irmás Mirabal, tres activistas políticas da República Dominicana que foron brutalmente asasinadas en 1990 por orde do gobernante dominicano Rafael Trujillo.
O noso mural, feito coas nosas mans, está cheo de mensaxes reclamando igualdade e un mundo mellor, libre de violencia contra as mulleres e as nenas.
CONTACONTOS POLO SAMAÍN
Sabendo que o que máis medo nos dá é o que imaxinamos, nenos e nenas de 6º B escolleron as lecturas máis terroríficas da biblioteca para contar a todos os nenos e nenas do cole e pasar na biblioteca un pouco de medo...Fantasmas, bruxas, ogros, monstros, esqueletos, morcegos, vampiros...foron protagonistas das historías que tan ben nos contaron e tanto nos asustaron.
PARA POÑER OS PELOS DE PUNTA!
Onde viven os monstros. Maurice Sendak.
Casa encantada. Kazuno Kohara
Sacapenas. Anthony Browne.
Cousas de bruxa. Marta Sevilla
Os esqueletos divertidos. Janet e Allan Ahlberg.
A bruxa regañadentes. Tina Meroto.
A figueira de pelostortos. Ana García Castellano.
A min non me comas! Margarita del Mazo.
Barbazul. Perrault (Adaptación de Tereixa Alonso)
CONTOS PARA PASALO DE MEDO
Mentras agardamos a chegada do Samaín na biblioteca podemos gozar dunha especial selección de libros e contos terroríficos para pasalo de medo. Contos de monstros, de bruxas de esqueletos, de vampiros, de fantasmas de castelos encantados...para ler e disfrutar
24 DE OUTUBRO, DÍA DAS BIBLIOTECAS ESCOLARES
A biblioteca é un centro de lectura, información e aprendizaxe integrado na vida da institución escolar, permitindo o acceso a materiais informativos actualizados, diversos, apropiados, suficientes en número e calidade e contemplando todas as áreas do currículo, é dicir, é unha contorna física e dixital de aprendizaxe na escola onde a lectura, o interese, a investigación, a imaxinación e a creatividade son fundamentais cara á información, o coñecemento, o crecemento persoal, social e cultural dos nenos e das nenas.
RADIO NA BIBLIO
Este curso 2019/2020 concedéronnos a participación no proxecto piloto "Radio na Biblio" para poñer en funcionamento un laboratorio/emisora de radio na nosa biblioteca escolar. Con esta iniciativa búscase traballar a expresión escrita e oral do alumnado a través da creación de espazos que funcionen como centros creativos de aprendizaxe. A posta en marcha dunha emisora de radio no centro educativo vai proporcionar múltiples oportunidades para o desenvolvemento das competencias clave e tamén ampliar as linguaxes presentes na biblioteca, promover a expresión oral, a alfabetización múltiple e o traballo colaborativo de profesorado e alumnado.
BIBLIOTECA ESCOLAR, VIVEIRO DE CIUDADANÍA
Biblioteca escolar, viveiro de cidadanía" é o lema proposto para as bibliotecas escolares galegas para o presente curso 2019/2020. Óscar Vilán é o ilustrador quen interpreta o lema e nos ofrece unha imaxe múltiple e evocadora de diversas situacións que unha biblioteca pode facilitar.
Compre sementar, crear un habitat axeitado para que os pequenos e as pequenas vaian desenvolvendo a estima por si mesmos e polos recursos naturais e culturais á súa disposición, aprendan a convivir cos outros, adquiran paulatinamente os valores democráticos, o respecto polos Dereitos Humanos e a Cultura de Paz imprescindible para unha convivencia xusta, pacífica e tamén enriquecedora para todas e todos
A Biblioteca escolar pode chegar a ser ese "viveiro de cidadanía" no que medren en confianza as xeracións novas e poidamos forxar a esperanza fronte aos retos que o mundo actual presenta
OS NOSOS LIBROS
Comezamos o curso con enerxías renovadas, cargad@s de ilusión e con moitos contos, nesta ocasión con unha exposición de contos e libros escritos, creados e ilustrados polo alumnado do centro e que pasan a formar parte da colección da biblioteca escolar. A temática de "Os nosos libros" é moi variada: poesía, relato curto, contos, adaptacións, traduccións, investigacións, lendas...
LUIS VALLECILLO
Entretenemento, emocións, contos e cancións con LUIS VALLECILLO e co seu espectáculo musical CANTAMOS?
ABRAPALABRA
Con Carlos Coira e o seu espectáculo de maxia e poesía "ABRAPALABRA" aprendimos a disfrutar e gozar da maxia das palabras
BIBLIÓTICO
BIBLIÓTICO, a mascota de biblioteca, acompañado do seu axudante Minibibliótico reparten o xornal escolar e a guía de recomendacións lectoras para o verán.
ANTONIO FRAGUAS FRAGUAS
Traballo de investigación, de expresión plástica e de expresión oral en torno á vida e obra de Antonio Fraguas Fraguas
A MENIÑA DE LIBROS
ESTA É A NOSA RECOMENDACIÓN LECTORA polo día do libro: A MENIÑA DE LIBROS de Oliver Jeffers e Sam Winston é un fermoso álbum ilustrado onde a combinación de texto e ilustración fan dela unha obra especial e única. Neste fermoso álbum, cada páxina está construída con textos de grandes obras. O libro é un abraiante poema de fomento da lectura que conforma unha pequena xoia para disfrutar menores e maiores. Samuel de 6º nos recrea coa súa lectura
DÍA DO LIBRO 2019
Imaxinación e recomendacións lectoras van collidas da man nos traballos realizados pola comunidade educativa baixo o lema:
PARA VIAXAR LONXE, NON HAI MELLOR NAVE QUE UN LIBRO
Esta frase de Emily Dickinson, é o lema da campaña de animación á lectura de este ano, 2019, que realizamos desde a bilioteca do cole para celebrar o día do libro.
Todos os traballos están expostos na entrada do cole
A NOSA RECOMENDACIÓN LECTORA: A MENIÑA DE LIBROS de Oliver Jeffers e Sam Winston, publicado por patasdepeixe. Esta obra tan especial e única é unha invitación tanto para nenos e nenas como para adultos a atopar a súa propia historia. Neste fermoso álbum ilsutrado cada páxina está construída con textos de grandes obras. Estamos ante un abraiante poema de fomento da lectura que conforma unha pequena xoia para disfrutar dela menores e maiores. Samuel de 6º nos recrea coa súa lectura.
DÍA MUNDIAL DO LIBRO 2019
Este poema sobre a lectura como unha viaxe ao fondo das preguntas é da escritora, poeta, profesora e académica Marilar Aleixandre. Un texto que convida a reflexionar sobre a importancia da lectura como revulsivo para interrogar, cuestionar, dubidar, aprender, enfocar, repensar e nunca conformarse.
DÍA DO LIBRO INFANTIL: ANDERSEN
O día internacional do libro infantil coincide coa data do nacemento de Hans Christian Andersen (1805-1875) escritor e poeta danés, famoso polos seus contos para nenos e nenas: O patiño feo, A sereíña, A raíña das neves, O traxe novo do rei, O soldadiño de chumbo, O xastriño valente...tan divulgados e coñecidos que ás veces confúndense con contos tradicionais anónimos. Pola súa grande inventiva e a equilibrada sinxeleza do seu estilo e da súa técnica narrativa, Andersen é o primeiro gran clásico da literatura infantil.
Coa finalidade de promocionar os bos libros infantis, fomentar o hábito lector e disfrutar coa boa narración, o noso alumnado participou na biblioteca dunha sesión de narración oral de contos de Andersen. Nenos e nenas de varios cursos leron, contaron, narraron aos máis pequenos
DÍA INTERNACIONAL DO LIBRO INFANTIL 2019
Hoxe 2 de abril é o DÍA INTERNACIONAL DO LIBRO INFANTIL, data do nacemento de Hans Christian Andersen. O cartel deste ano 2019 foi feito por Kestius Kasparavicius de Lituania, quen titula a mensaxe: OS LIBROS FANNOS ACOUGAR. Os libros teñen unha cualidade marabillosa: axúdannos a vivir, a observar, a buscar acomodo...
DÍA DAS ARTES GALEGAS 2019: LUIS SEOANE
O día 1 de abril celébrase o día das Artes Galegas que neste 2019, homenaxea a LUIS SEOANE. Queremos aproveitar a ocasión para coñecer e difundir a súa obra e a súa figura como teórico de arte, creador, deseñador, caricaturista, debuxante, pintor, e ademais foi esencial no Laboratorio de Formas da cerámica de Sargadelos e do Castro e na creación dunha nova imaxe de Galicia baseada na interacción-tradición-innovación a través das industrias cerámicas, xa citadas anteriormente.
PLANTAMOS UNHA ÁRBORE POLO DÍA DA ÁRBORE E DA AUGA
Aproveitamos a celebración do día da ÁRBORE
E DA AUGA para plantar con todos os escolares do centro unha árbore como forma de axudar a frear o deterioro do noso medio ambiente e tamén para reflexionar sobre os servizos que prestan as árbores ante situacións ambientais que afectan á humanidade, caso espescífico do quentamento global do planeta e a disminución da calidade e cantidade de auga, que día a día mostran os seus efectos negativos para os seres humanos. As árbores captan e recargan as fontes de auga, liberan osixeno e capturan o dióxido de carbono. Por esta razón, hai que promover unha conciencia de conservación e restauración dos bosques, facendo un bo uso dos recursos naturais.
DÍA DA POESÍA 2019
Celebramos o Día Internacional da Poesía con un recitado de poemas do libro de Antonio García Teijeiro (Premio Nacional de Literatura polo seu libro Poemar o mar) titulado "Caderno de fume". Nesta poesía palabras e fume veñen ser o mesmo: divirten, provocan, deixan olor e, se ti queres, permítenche imaxinar que estas a escribir o teu propio fermoso caderno de fume.
PIONEIRAS 2
Elena presenta aos compañeiros e compañeiras o libro PIONEIRAS 2, galegas que abriron camiño. Son fotógrafas, arquitectas, mestras, políticas, actrices, astrónomas, aviadoras... O segundo volume de Pioneiras fala de máis mulleres donas de si; galegas que foron capaces de desviarse do vieiro que a sociedade do momento lles reservaba e faceren grandes contribucións sociais e conquistas de dereitos que legan ás novas xeracións.
DÍA DA MULLER 2019
Este día é un bo momento para reflexionar acerca dos avances logrados, pedir máis cambios e celebrar a valentía e a determinación das mulleres de a pé que xogaron un papel clave na historia e dar visibilidade ás mulleres destacadas no campo da ciencia, a tecnoloxía, a literatura, as matemáticas, a pintura, a música...
Tamén engadimos unha presentación de personaxes femininos (feita polo coro feminino Cantar Delas) dende o século XIII ata o século XX. Estes personaxes que forman parte do imaxinario colectivo, están presentes nas nosas vidas sen saber, en moitos casos, quen foron e as razóns polas que pasaron á historia. A intención é dar a coñecer o papel que estas mulleres tiveron no cuestionamento da orde social, na loita contra as inxustizas, os motivos polos que foron perseguidas nuns casos, vilipendiadas ou imcomprendidas noutros.
DÍA DE ROSALÍA DE CASTRO
No día de ROSALÍA DE CASTRO a nosa biblioteca encheuse de música e poesía. Música de Amancio Prada musicando os poemas de Rosalía e poesía recitada polo noso alumnado. Rosalía na súa obra quere dignidade para o seu pobo, para a súa cultura, para a súa lingua.
DÍA INTERNACIONAL DA LINGUA MATERNA
O 21 de febreiro celébrase o día INTERNACIONAL DA LINGUA MATERNA. A Lingua Materna é aquela en que os nenos e as nenas aprenden a falar e a relacionarse co seu entorno máis próximo. A UNESCO quere impulsar o coñecemento das linguas maternas de menos falantes na escola, nos medios de comunicación, na internet...fóra dos ámbitos en que moitas delas quedan recluídas. O día Internacional da Lingua Materna estableceuse para sensibilizar acerca da importancia dos idiomas e da función vital que desempeñan no desevolvemento, ao garantir a diversidade e o diálogo intercultural, así como o fortalecimento da cooperación e a consecución da educación de calidade para todos, a construción de sociedades do coñecemento integradoras e a preservación do patrimonio cultural.
POEMAS DE AMOR
Carmen e Nerea acompañadas de David e Alice recitan poemas de amor. Poemas que son acrósticos de la palabra amor. Estos poemas escritos polo alumnado son composicións poéticas nas que as letras iniciais, lidas e sentido vertical, forman a palabra AMOR.
CONTOS DE AMOR
Aitana e Nerea contan aos máis pequeniños dous bonitos contos de amor: CROCODILO NAMORADO e UNHA CASA A MEDIDA de Daniela Kulot, editados por Kalandraka que lles achegan aos nenos e ás nenas conceptos como o amor, a familia, a tolerancia e o respecto.
Crocodilo namorado está protagonizado por Crocodilo e Xirafa, dous personaxes que se namoran e forman unha parella peculiar. A diferencia de altura é grande pero para o amor non hai barreiras que se resistan.
Unha casa a medida é un bonito conto onde para os mesmos protagonistas, Crocodilo e Xirafa, a estatura non é un problema insalvable. Esta peculiar parella de namorados ao plantexarse a convivencia terán que aguzar o enxeño para lograr que o fogar resulte cómodo para os dous.
LIBROS PARA NAMORAR
O 14 de febreiro é unha data para celebrar o noso amor polos libros e ler e descubrir historias de amor, amor de todo tipo e en todo tipo de textos, contos, poesía, teatro...ademais dos libriños de poemas escritos polo alumnado. Por este motivo temos unha exposición de libros de amor, seleccionados de entre os moitos títulos que hai nos andeis da nosa biblioteca. Estos títulos son recomendacións que chegan ao corazón para ler sós ou en compañía.
DÍA INTERNACIONAL DA MULLER E DA NENA NA CIENCIA
O día internacional da Muller e da nena na ciencia celébrase o 11 de febreiro, foi proclamado en 2015 pola Asamblea Xeral das Nacións Unidas coa finalidade de lograr o acceso e a participación plena e equitativa na ciencia para as mulleres e as nenas, ademais para lograr a igualdade de xénero e o empoderamento das mulleres e das nenas. Por iso esta semana queremos dedicar o libro da nosa biblioteca: MULLERES DE CIENCIA, ás nenas que queren ser inventoras, inxeñeiras e científicas e ás grandes mulleres que xa foron protagonistas a través da historia, para amosar tanto ás nenas como aos nenos que hai grandes mulleres que deixaron a súa pegada e cambiaron a forma en que vemos o mundo desde a física, o espazo ou o fondo do océano.
,
MULLERES DE CIENCIA, de Rachel Ignotofsky, é un álbum ilustrado de mulleres pioneiras na ciencia. Este libro presenta cincuenta mulleres que destacan en campos como a ciencia, a tecnoloxía, a inxeñería e as matemáticas, tanto na antigüidade como nos nosos tempos. Mulleres tan coñecidas como Marie Curie ou menos coñecidas como Katherine Johnson, matemática afroamericana que calculou a traxectoria da misión do Apolo XI á lúa.En "Mulleres de ciencia" encontramos os logros das mulleres intrépidas que prepararon o camiño para a próxima xeración de mulleres inxeñeiras, biológas, matemáticas, médicas, astronautas, físicas...
DÍA DA PAZ
O día da PAZ celébrase o 30 de xaneiro para recordar a norte do pacifista indio MAHAMA GANDHI que loitou polos dereitos do seu pobo para conquistar un mundo no que sexa posible a liberdade, a xustiza social, os dereitos humanos e a paz.
Coas nosas actividades, poesía e música, queremos transmitir mensaxes de paz, de non violencia e sementar ideas de diálogo, de solidariedade, de igualdade e de paz.
ILUMINEMOS O MUNDO CO DIÁLOGO A TOLERANCIA E A PAZ
O mural realizado por todo o centro ten como lema: ILUMINEMOS O MUNDO CO DIÁLOGO A TOLERANCIA E A PAZ. Cada neno e cada nena do centro tenta iluminar o ceo con unha estrela, una estrela con unha mensaxe de paz, de amor, de solidariedade, de tolerancia...coa intención de procurar una educación inspirada no diálogo a tolerancia a non violencia e a paz, que permita ao noso alumnado adquirir coñecemntos, actitudes e competencias que reforcen o seu desenvolvemento como persoas críticas e comprometidas cos seus dereitos e os de outras persoas.
LIBROS DE PAZ
Entre as actividades que realizamos para celebrar o día da paz está unha exposición de libros tanto para o alumnado como para o profesorado que nos axudan a recordar a necesidade da educación para a tolerancia a solidariedade, o respecto aos dereitos humanos, a non violencia e a paz
CONTACONTOS
Hoxe na biblioteca tivemos a Sara e Álex contando e cantando contos aos nenos e nenas de primeiro e segundo de primaria. Contos de autor, contos tradicionais ou pequenos contos rimados. Élmer, Cándido, Frederik e outras personaxes que dun ou doutro xeito séntense diferentes aos demais guiaron a sesión de contacontos. O alumnado disfrutou escoitando e cantando.
Suscribirse a:
Entradas (Atom)
