Hoxe, 2 de xunio, Lois Pérez, autor de "A gruta da torre" visitou o noso centro para compartir un ratiño cos membros do club de lectura.
Todas estivemos encantadas de poder falar con Lois sobre o seu libro. As alumnas e alumnos de 5º e 6º de EP, participantes no Club de Lectura, aproveitamos esta ocasión para facerlle unha extensa entrevista que compartimos con todas vós.
Por fin tivemos ese obradoiro de radio escolar que estabamos esperando. Este ano, o obradoiro foi presentado por Damián Alonso de Ponte Nas Ondas. O alumnado de 5ºA e 5ºB de EP pasou toda a mañá aprendendo o mañexo de Audacity, traballando a dicción e practicando coa emisora, Foi unha mañá ben proveitosa! Aquí vos deixamos unhas fotos e o programa que elaboramos todas xuntas durante o obradoiro. Grazas, Damián!!!
O Galego é unha lingua fermosa, rica en vocabulario e matices. cal é a palabra máis fermosa do Galego? QUEREDES VER AS VOSAS PALABRAS FAVORITAS?
Rapaces, estamos moi contentas do resultado do PROXECTO do CONTO VIAXEIRO.
O alumnado de 6º de EP elaborou esta revistiña chea de pasatempos en torno á figura homenaxeada nas Letras Galegas 2023.
Moito tivemos que estudar!!!O mes de maio é moi querido na nosa biblioteca porque honenaxeamos as LETRAS GALEGAS. Este ano, o Equipo de Normalización e o Equipo de Biblioteca decidimos facer propostas que nos permitan xogar, crear, bailar e cantar coa nosa lingua.
Este ano para celebra o día do libro decidimos facer un Apadriñamento Lector. Na primeira xornada o alumnado de 3º. 4º, 5º e 6º visitou a biblioteca do centro para escoller un conto axeitado. Practicaron A LECTURA E INTERPRETACIÓN do libro escollido e á volta do lecer foron polas aulas para recoller aos seus afillados. Ao día seguinte, o venres 21 de abril, foron os máis pequenos os que trouxeron o seu libro favorito.
Este ano quixemos celebrar o Día do Autismo con un contacontos moi especial. Aquí vos deixamos a Manuel cunha dramatización do seu conto preferido "Chivos Chivones". Esperamos que o deifrutedes moito.
GRAZAS MANUEL!!!Para celebrar o Dia da POESÍA e do BOSQUE (21 marzo)e da AUGA(22 marzo), a nosa BIBLIOTECA fixo esta proposta de traballo: Opción A: Na tutoría escollemos poesías para traballar con eles relacionadas coa natureza. O dia 22 faremos un recital na radio co alumnado voluntario. Opción B: Saída ao entorno. Observamos e recollemos palabras relacionadas coa natureza. Creamos todas xuntas una poesía. Podemos recitala na radio o dia 22. Aqui vos deixamos alguns exemplos dos traballos realizados: Titoría 2° B: As rapazas e rapaces de 2ºB saíron de excursión a visitar o parque cercano ao noso centro. Observaron e escoitaron a natureza e despois crearon estes fermosos poemas Que despois gravaron na Radio Escolar: Titorìa de 5ºB: O alumnado de 5º B baixou á emisora durante a hora do lecer para recitar algúns poemas relacionados coa auga e os bosques. Bo traballo rapaces!!
Boas rapaces, nesta ocasión queremos contarvos que os vosos compas de Infantil tiveron esta semana a supervisita de PACO NOGUEIRAS que veu coma sempre cargadiño de contos e cancións. Desta volta, contounos: Do, Re, Mi, Chibos Chibóns, Dez dedos nas mans e Dez dedas nos pés, Polo Camiño e Mister Magnolia.
O día 11 de febreiro celebramos no colexio o Día Internacional da Muller e a Nena na Ciencia,
Aqui vos deixamos a revista dixital cos traballos elaborados polas distintas aulas sobre científicas galegas.
Ola a todas!! Esta semana pasada tivemos unha festa das boas. O xoves 23 de febreiro foi o Día da nosa querida Rosalía e en BIBLIOPONTE puxémonos a maquinar nas actividades para conmemorar o Dia de Rosalía de Castro. Isto foi o que fixemos: XOVES 23 FEBREIRO: Durante o tempo de lecer, emitimos por megafonía un pequno recital en honra a Rosalía alternando música e recitado de poemas. Aqui vos deixamos un cachiño para que o desfrutedes: VENRES 24 FEBREIRO O alumnado do centro achegouse á vida e obra de Rosalía de Castro a través das seguntes actividades: - kamishibai de Rosalía, a cargo das alumnas/os de 6°A de EP.
- Recitado e interpretación do poema " Miña Casiña, meu lar", a cargo das alumnas/os de 6° B. - Degustación do Caldo de Gloria: As fantásticas cociñeiras do Comedor Escolar fixéron un Caldo de Gloria ben saboroso que degustamos durante o lecer. Algún repetiu ata cinco veces. Seredes lanbóns!!! Feliz Dia de Rosalía!O 13 de febreiro celebramos o día Mundial da Radio e aproveitamos a transversalidade que favorece a radio como ferramenta para que o alumnado poña en xogo habilidades e coñecementos adquiridos nas aulas. Neste día tan especial as alumnas e alumnos de 2º B participamos na convocatoria de PONTE NAS ONDAS creando un Podcast sobre o noso PATIMONIO CULTURAL: A PONTE ROMANA de Lugo. O alumnado de 2ºA tamén celebrou o Dia Mundial da Radio experimentando e estudando un antigo aparello de radio que a súa mestra Mª José trouxo á aula. Serán capaces de saber para que serve?
Tedes que velo!!!O día 13 de febreiro celebramos O día Mundial da Radio na nosa escola.
O alumnado de 6º de EP, xunto co noso mestre de Música Alberto, agasalláronnos neste día tan especial unha nova sintonía para a nosa Radio Escolar: PONTE NA RADIO.
Esta semana traballamos moi duro para crear os nosos conxuros máxicos de PAZ. Sairon ben xeitosos, non si? Tamén formamos os símbolo da Paz entre todas e cantamos "NO DUDARÏA" de Antonio Flores. Aquí vos deixamos un vídeo co traballo realizado. Parabéns artistas!
O día 11 de febreiro celebramos o Día Internacional da Muller e a Nena na Ciencia.
En Biblioponte, a nosa biblioteca, queremos celebrar esta data tan importante coa creación dunha revista dixital de mulleres científicas galegas.
Cada titoría elaborará un cartel en Din A3 sobre a cientifica asignada. Todos os carteis serán expostos na biblioteca e crearemos con eles unha publicación dixital.
Proposta Biblioteca: DÍA DA PAZ e DÍA DA ILUSTRACIÓN (30 xaneiro)
Animámosvos a celebrar tamén con nós o DÍA DA PAZ e o DÍA da Ilustración participando na actividade "PALABRAS MÁXICAS"
- Escoitaremos a canción ' Palabras Máxicas' recollida no conto/disco A BRUXA DISCORDIA de Mamá Cabra.
https://music.youtube.com/watch?v=9qh8-if2b5o&feature=share
- Observaremos a estrutura das estrofas e, en gran grupo, elaboraremos unha nova estrofa/feitizo.
- Cada un de nós ilustraremos o noso feitizo nun anaco de papel.
- Finalmente, escribiremos o Feitizo da nosa clase con letras fermosas nun anaco de papel corrido
e pegaremos as ilustracións de todas e todos nel.
As nosas 'PALABRAS MAXICAS' serán expostas na entrada do colexio.
Deixovos a letra para que poidades observar a estrutura.
I xornada do Club de Lectura “Historias da Ponte Vella” Este curso estamos inmersos no programa de innovación educativa dos Clubs de Lectura. Durante a hora de lecer do pasado venres, o alumnado voluntario de quinto e sexto de Educación Primaria puido gozar do primeiro encontro. Para introducir o Club de Lectura, escaneamos uns códigos Qr sobre o libro a ler (“A gruta da Torre”) e do seu autor (Lois Pérez). Agora que xa o coñecemos, é hora de comezar a compartir momentos de lectura e moitíiiiiisimas outras actividades.
Promoción do noso Club de Lectura “Historias na Ponte Vella”
Por fin chegou o día! Xa temos preparado o cartaz que promociona o Club de Lectura.
Alumnado voluntario de 5º e 6º de Educación Primaria e maestras teremos o inmenso pracer de compartir lecturas, manter encontros literarios, conversas que nos farán voar a imaxinación e vivir unha morea de aventuras que nos transportarán a fermosos lugares e coñecer a vida en diferentes épocas.
Comezamos!!
