VISITA DE ANTÍA YAÑEZ AO CLUB DE LECTURA. ENTREVISTA NO LABORATORIO DE RADIO.

 VISITA DE ANTÍA YÁÑEZ

O día 16 de xuño, tiñamos pensado ir ao CEIP Sagrado Corazón para coñecer o seu club de lectura, Palabras Infindas, e compartir coa autora de O MISTERIO DE PORTOMARÍN a nosa experiencia co libro. 

Finalmente, foron as rapazas e rapaces dese club amigo quen nos visitaron a nós. 

Foi xenial coñecer a Antía e ás compañeiras e compañeiros do Sagrado Corazón!

Tedes curiosidade por saber que nos contou Antía, non si?

Podedes escoitar a entrevista que lle fixemos no arquivo seguinte.

Así, coñeceredes un pouco mellor a esta grande escritora.

RADIO NA BIBLIO: FALAMOS DAS LETRAS GALEGAS 2025

 As alumnas e alumnos de 2ºB estiveron traballando na aula sobre as Letras Galegas, a poesía tradicional e a figura das cantareiras. Con moita ilusión regálannos o seu primeiro podcast no que dialogan en torno a este día tan especial para todas nós:

 

Bon traballo!!!

CELEBRAMOS o 8 de marzo. ENTREVISTAS ÁS NOSAS AVOAS. (RADIO)

 

Este curso, para reivindicar a igualdade e reflexionar sobre a situación da muller na sociedade, pedímoslles ás nosas alumnas e alumnos que entrevistasen ás súas avoas sobre os traballos que desenvolveron durante a súa vida e sobre como se organizaron para desenvolver eses traballos, ocuparse dos fillos e das tarefas da casa.

En primeiro lugar, todas as titorías traballaron nas aulas a temática e a estrurtura da entrevista.

Cada aula decidíu como desenvolvería esas entrevistas e como ides ver algúns decidiron facela por escrito, outros gravaron en vídeo e na aula de 5º de EP, aproveitando a formación que recibiron no Obradoiro de Radio na Biblio, fixeron PODCASTS.

Para presentarvos este fermoso traballo desevolto polo noso alumnado achegámosvos unha revista en PDF, un video e os PODCASTS elaborados:

REVISTA 8M

VÍDEO ENTREVISTAS 8M

PODCASTS

Moitas grazas a todas!!!

RADIO NA BIBLIO: Falamos de ROSALÍA DE CASTRO. Miña Casiña, Meu Lar.

Elena, Eire, Paula e Sira, alumnas de distintos niveis do centro, homenaxean a Rosalía falando sobre a súa persoa e especialmente sobre o poema "Miña Casiña, Meu Lar".

PONTE NA RADIO: PERSONAXES HISTÓRICOS DA PAZ

 

O 30 de xaneiro celebramos o Día Escolar da Non Violencia e da Paz. As nenas e nenos de 6º de EP investigaron sobre a vida de numerosos personaxes relacionados coa Paz Mundial e compartiron o seu traballo con nós a través deste interesante podcast. Non deixedes de escoitalo!!!

PONTE NA RADIO: PODCAST: LUISA VILLALTA E A LENDA DA TORRE DE HÉRCULES. LETRAS GALEGAS 23/24

 

O alumnado de 3ºB fixo unha tarefa de investigación sobre dous aspectos da vida de Luisa Villalta.

Por unha banda, a lenda da Torre de Hércules, emblema da cidade da Coruña, onde ela naceu.

Por outra banda, centrámonos nun aspecto máis persoal da escritora. A súa faceta de activista dentro do Movemento Nunca Máis, con motivo do afundimento do Prestige na costa galega.

Aquí vos deixamos o podcast: Luisa Villalta e a Lenda de Torre de Hércules:

DÍA DA RADIO, 13 de febreiro. OBRADOIRO RADIO NA BIBLIO.

 Como cada ano, en Biblioponte, queremos celebrar o día Mundial da Radio. Un medio de comunicación que leva máis dun século informando, entretendo e educando.

Para conmemorar este día, no CEIP da Ponte celebramos o noso OBRADOIRO DE RADIO NA BIBLIO coa axuda de Damián Alonso de Ponte Nas Ondas.

Durante toda a maña, Damián,  traballou con nós distintas apps para facer os nosos programas de radio como Audacity, aprendeunos a editar e facer distintos efectos, explicounos como mellorar a dicción e preparou con nós un programa de radio de variedades. Se queredes oír o ben que se nos deu... aquí vos deixamos algúns cachiños do programa e unhas fotos para que vexades o ben que o pasamos:

FORMACIÓN RADIO NA BIBLIO

O 21 e 28 de Abril as alumnas e alumnos de 5º de Primaria desfrutaron de dúas sesións formativas para seguir perfeccionando o noso coñecemento da radio. Na primeira sesión faláronnos das partes da enisora e de como se conectan os distintos elementos que a compoñen. A segunda sesión tratou sobre a creación de contidos para a nosa emisora. Traballamos co programa Audacity e fixemos prácticas en pequenos grupos. Aquí vos deixamos algunhas imaxes e videos das xornadas.

DÍA MUNDIAL DA RADIO 13 de febreiro

No Día da Radio queremos presentar aos nosos ointes a nosa particular homenaxe a Darío Xoan Cabana, escritor lucense que sempre amosou o seu cariño e fidelidade a nosa lingua e a nosa terra. Esta é a interpretación que fixeron as alumnas e alumnos de 6ºA do seu poema: MULLER LABREGA

O TREN DE MARTIÑO

En ponte na radio, Conto de Nadal interpretado polas nenas e nenos de 2º EP.