CERTAME DE POESÍA ILUSTRADA - RADIO NA BIBLIO

As voces máis pequenas do noso cole seguen enchendo a radio escolar de ilusión, poesía e amor pola natureza dentro do certame do Día da Auga e do Día da Árbore. Nesta nova participación, o alumnado de 1º sorpréndenos cunha poesía chea de frescura e imaxinación, na que nos falan do seu cole, dos espazos que comparten cada día e da paisaxe natural que os acompaña mentres aprenden, xogan e medran xuntos. As súas palabras transmiten agarimo polos pequenos detalles: as árbores do patio, o son da choiva, os camiños arredor da escola ou a beleza da natureza que forma parte do seu día a día. A través destas creacións, os nenos e nenas descobren tamén a importancia de expresar sentimentos e de aprender a coidar o entorno que tanto lles dá. Cada poesía convértese nunha pequena ventá á súa mirada sincera e creativa do mundo. Convidámosvos a escoitar esta fermosa participación na nosa radio escolar e a seguir desfrutando do gran traballo do alumnado.

 
Sara, Alma, Jorge e Yanira

 

DÍA DO LIBRO 25/26

Boas rapazada!!! O venres pasado, celebramos o Día do Libro cun Apadriñamento Lector, mais nesta ocasión, ademáis de ler contos aos máis cativos do cole, deseñamos marcapáxinas para agasallar aos nosos compañeiros nesta viaxe tan fermosa. Aquí vos deixamos un recordo do ben que o pasamos.

CONTOS PARA TOD@S NA RADIO

Un conto cheo de maxia na nosa biblioteca
Na nosa biblioteca vivimos momentos moi especiais, e esta semana temos unha actividade que nos fai moita ilusión. Aproveitando a hora de lectura que tanto gozamos xuntos, unha alumna de 5ºB vai compartir con todos nós un conto moi bonito, cheo de emocións, imaxinación e aventuras. Será unha ocasión perfecta para deixar voar a fantasía, escoitar con atención e desfrutar dese marabilloso momento no que as historias cobran vida entre libros e sorrisos. A lectura convértese así nunha ponte cara a novos mundos e tamén nunha forma preciosa de aprender e compartir. Estamos seguros de que será unha experiencia moi especial para toda a comunidade lectora da biblioteca. Agardamos con ilusión este encontro tan entrañable arredor dos libros e das palabras. 📚✨ Daniela Verdes

CERTAME DE POESÍA ILUSTRADA - RADIO NA BIBLIO

O noso certame arredor do Día da Auga e do Día da Árbore segue regalándonos momentos moi especiais na nosa radio escolar, grazas á participación e á creatividade do alumnado. Nesta ocasión presentamos a poesía de Enzo, alumno de 2º, quen nos leva cunhas palabras cheas de dozura a percorrer os recunchos do noso cole e da contorna que o rodea. A través da súa mirada, descubrimos a beleza das árbores, dos espazos nos que xogamos e aprendemos cada día e dese entorno natural que fai do noso centro un lugar tan especial. Coas súas palabras, Enzo recórdanos a importancia de valorar e coidar aquilo que temos preto, aprendendo a querer e respectar a natureza desde pequenos. Estas actividades seguen a ser unha magnífica oportunidade para fomentar a expresión, a creatividade e o compromiso co medio ambiente. Convidámosvos a escoitar a súa poesía na nosa radio escolar e a desfrutar dunha nova mostra do talento e da sensibilidade do noso alumnado.
Enzo