13 FEBREIRO. DÍA MUNDIAL DA RADIO 25/26
Este ano PONTE NA RADIO únese ás radios escolares do Mundo a través da rede de Radio Espora, PARA COMEMORAR o Día Mundial da Radio.
O alumnado de 5ºB gravou un microteatro radiofónico sobre un acontecemento fantástico ocorrido no noso cole.
Premede no enlace para escoitar e ler sobre a nosa participación neste día tan espoecial para a nosa radio escolar.
OBRADOIRO RADIO NA BIBLIO 25/26
Boas rapazada,
Esta semana o alumnado de 5ª de Educación Primaria desfrutou dun estupendo Obradoiro de Radio da man de Damián Alonso de PON ( Ponte Nas Ondas), que xa é un vello coñecido porque leva acompañándonos xa un tempiño nas nosas andainas polo mundo da radio.
Este ano, traballamos toda a mañá. Falamos da variedade de programas que podemos facer na radio escolar, traballamos a dicción, eleximos e escribimos o guión do noso programa por parellas e, finalmente, gravamos un super programa.
Aquí vos deixamos unha mostra do traballo realizado e o programa de radio para que vexades que artistas e canto saben estos rapaces.
DÍA DA PAZ E DA NON VIOLENCIA 25/26: O CAMIÑO DA PAZ
Este ano celebramos Día da Paz e Non Violencia coa actividade:
O Camiño da Paz
Unha actividade simbólica e participativa para todo o centro, que relaciona os valores da paz e da non violencia co Camiño de Santiago (PDI) como espazo de encontro, diversidade e colaboración.
Obxectivos
- Reflexionar sobre a paz como un camiño que se constrúe día a día.
- Coñecer o Camiño de Santiago como símbolo de encontro entre culturas.
- Fomentar valores como o respecto, a empatía, a solidariedade e o diálogo.
- Implicar a todo o alumnado nunha acción común pola paz.
Desenvolvemento da actividade
Nas aulas falamos sobre que a PAZ e como se constrúe, achegándonos a idea clave: A Paz é un camiño que se constrúe paso a paso, igual que o Camiño de Santiago.
Na biblioteca ofrecemos unha recompilación de contos e textos para introducir ou traballar o tema da PAZ na aula.
No cole creamos un Camiño da Paz con frechas, pegadas simbólicas nas que escribimos palabras ou frases que recolleron as reflexións que fixemos nas aulas:
Cada nena/ o fixo unha Vieira da Paz con compromisos persoais para portar o 30 de xaneiro no que tiñamos previsto formar todas/os o símbolo da paz no patio. Esta actividade non se puido levar a cabo debido ao mal tempo que nos acompañou durante todo o mes de xaneiro.
Este é o noso MANIFESTO POLO DÍA DA PAZ
“Camiñamos xuntos pola Paz”
Hoxe, 30 de xaneiro,
reunímonos como comunidade educativa
para lembrar algo moi importante:
a paz é un dereito de todas as persoas
e tamén unha responsabilidade de todas e todos.
No mundo no que vivimos
hai nenas e nenos que non poden ir á escola,
que escoitan ruídos de bombas en vez de risas,
que teñen que abandonar as súas casas
por mor das guerras.
Pensamos hoxe nas persoas que sofren
os conflitos que vemos nas noticias:
en Palestina, en Ucraína, …
e noutros lugares do mundo
onde a violencia fai dano
especialmente aos máis pequenos.
Desde o CEIP A PONTE queremos dicir ben alto
que ningunha guerra é xusta,
que a violencia nunca é o camiño,
e que a PAZ comeza
co respecto, coa escoita
e coa colaboración entre os pobos.
Este ano falamos da PAZ
como un camiño,
igual que o Camiño de Santiago:
un camiño no que persoas diferentes
comparten pasos, axudan cando alguén cae
e avanzan xuntas cara a unha mesma meta.
No Camiño apréndese
que ninguén chega só,
que todas as persoas importan
e que a diversidade é unha riqueza.
Por iso hoxe comprometémonos a:
- Resolver os conflitos falando e non pegando.
- Respectar a quen pensa ou sente diferente.
- Axudar a quen o necesita.
- Coidar as palabras e os xestos.
- Ser construtores e construtoras de paz no día a día,
...
Porque a PAZ mundial comeza nas pequenas accións:
nunha aula, nun patio, nunha amizade.
Desde aquí enviamos unha mensaxe ao mundo enteiro:
queremos camiñar polo camiño da colaboración mundial,
onde os países dialoguen,
onde os pobos se respecten
e onde todos os nenos e nenas
poidan vivir sen medo.
Hoxe, como no Camiño de Santiago,
camiñamos xuntos e xuntas pola PAZ.
Paso a paso.
Man con man.
Ata que a PAZ chegue a todos os recunchos do mundo.
Feliz Día da Paz a todas e todos!!!
ENTROIDO NO CAMIÑO 25/26
Boas rapazada!
Xa chega o Entroido e
o Meco comeza a mandar!
Como este ano "O Camiño"
estamos a traballar!
Unha capa, unha cuncha,
unha mochila ... buscarás
e imaxinando e fedellando
o teu disfraz farás.
Así comezou este curso a celebración do ENTROIDO 25/26. A elección da temática era clara. Estamos a traballar o PDI o "O Camiño de Santiago" así que os disfrazes debían estar relacionados co camiño. Houbo de todo, aínda que os disfraces estrela foron os peregrino e as pulpeiras!!
Feliz Entroido!!!
25 N RADIO NA BIBLIO:Día Internacional da Eliminación da Violencia contra a Muller (25N) 💜
No cole tivemos unha sorpresa moi especial! 🎙️✨
Un grupo de alumnas de quinto convertéronse por un día en auténticas xornalistas e artistas da radio. Con motivo do 25N, prepararon unha pequena entrevista na que falaron sobre a importancia de respectarnos, tratarnos ben e dicir non á violencia.
Pero iso non foi todo… porque tamén nos regalaron algo moi especial: unha canción chea de forza e mensaxe que cantaron na radio para que todo o mundo a puidese escoitar. 🎶💜
Fixérono xenial: con nervios, ilusión e moitas ganas de que a súa voz chegase moi lonxe. Estamos moi orgullosos delas!
Agora convidámosvos a escoitar o audio e descubrir como soan estas estrelas da radio de quinto. Preparados? Dádelle ao play! ▶️
Club de lectura 5º B e 6º
Debate literario sobre Plan de rescate 📚🚀
O alumnado de 5º B e 6º participou nun divertido debate sobre o libro Plan de rescate de Antía Yáñez. Durante a actividade comentamos as partes que máis nos gustaron, falamos dos personaxes e imaxinamos que fariamos nós se tiveramos que organizar un rescate.
Houbo opinións moi diferentes, ideas sorprendentes e tamén moitas risas. Descubrimos que cada persoa entende a historia dun xeito distinto e que compartir o que pensamos fai a lectura aínda máis interesante.
Sen dúbida, foi unha actividade moi entretida que nos animou a seguir lendo e falando de libros! 📖✨
Inicio do club de lectura 2025-2026
Durante este trimestre, no colexio gozamos moitísimo do Club de Lectura dirixido ao alumnado de 5.º e 6.º de Primaria! 📚✨
Ao longo destas semanas levamos a cabo unha chea de actividades divertidas e creativas: debates cheos de ideas interesantes, xogos de procura de pistas que nos fixeron pensar e traballar en equipo, manualidades… e moito máis!
Pero, sen dúbida, a actividade estrela do trimestre foi converternos en auténticos locutores e locutoras de radio 🎙️. Preparamos guións, recomendado lecturas e posto voz ás nosas historias favoritas, vivindo a experiencia da radio desde dentro.
Foi un trimestre cheo de aprendizaxe, risas e amor polos libros. Deixámosvos este pequeno resumo de todo o que fixemos e esperamos que o gocedes tanto como nós! 📖😊
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
RECOMENDACIÓNS LECTORAS DE NADAL 25/26
Chegou o Nadal!!!
Xa estamos contando as horas para abrir os agasallos. Non sería xenial que nos agasallasen unha viaxe aos Alpes Suizos ou unha aventura no mundo dos bechos estraños?
Bota un ollo ás nosas recomendacións lectoras , estamos seguras de que hai un agasallo para tí.
BO NADAL!!!
25 N- DÍA INTERNACIONAL DA ELIMINACIÓN DA VIOLENCIA CONTRA AS MULLERES E AS NENAS
Este 25 de Novembro celebramos o DÍA INTERNACIONAL DA ELIMINACIÓN DA VIOLENCIA CONTRA AS MULLERES E AS NENAS, que este ano, baixo o lema: "ÚNETE para poñer fin á violencia dixital contra as mulleres e as nenas" tenta mobilizar á sociedade para poñer fin a esta lacra que agora nos maltrata tamen no mundo dixital.
Dende BIBLIOPONTE, coma todos os anos recollemos e ofrecemos recursos para traballar na aula cas nosas nenas e nenos. Os nosos obxectivos son:
- Romper os estereotipos de xénero que sustentan a desigualdade entre homes e mulleres.
- Favorecer a educación en igualdade como prevención da violencia machista.
- Comprender o concepto de igualdade efectiva entre homes e mulleres.
RECURSOS:
- Seguridade en internet: guía práctica para mulleres e nenas: https://www.unwomen.org/es/articulos/articulo-explicativo/seguridad-en-internet-guia-practica-para-mujeres-y-ninas
- Algúns dos contos para traballar na aula dispoñibles na nosa biblioteca:
OBRADOIRO DE TEATRO RADIOFÓNICO CON CRISTINA COLLAZO (Radio na biblio)
Boas rapazada!!
Este 11 de novembro as vosas compañeiras/os de 5º desfrutaron din emocionante obradoiro de teatro radiofónico con Cristina Collazo.
Cristina chegou cargada dun montón de ideas, dinámicas e enerxía. Quentamos o corpo e a voz, falamos dos elementos básicos do teatro e da produción radiofónica, aprendemos o que é o foley, xogamos coa nosa voz, fixemos improvisacións por grupos e, por último, dada a cercanía do Samaín, creamos e gravamos un relato radiofónico arrepianteeee....
Pecha os ollos. Abre ben as orellas e viaxa con nós ao bosque encantado...
Suscribirse a:
Entradas (Atom)