CELEBRAMOS AS LETRAS GALEGAS: FOLIADA E MAIO

Como xa fomos comentando en entradas anteriores, todo o cole estivo traballando a reo para preparar a Foliada e o Maio co que celebramos o día das letras galegas, que este ano estivo dedicado á POESÍA POPULAR ORAL e á figura das CANTAREIRAS.

 Para preparar este día dende a biblioteca ofrecimos distintos recursos como: 

- Selección de libros para traballar nas aulas: 

- Selección de recursos online para seleccionar cantigas 

https://apoi.museodopobo.gal/

https://mapasonoro.consellodacultura.gal/ 

e visualizar o traballo das cantareiras:

http://www.seminariogalan.org/

https://primaveradasletras.gal/

https://academia.gal/letras-galegas/2025/cantareiras

https://consellodacultura.gal/diadasletrasgalegas/2025/

-Construimos a estrutura do Maio:

- Fixemos entre todas e todos os bandeiríns. Na casa buscastes a tela, nas titorías cortamos triángulos e na biblioteca os voluntarios coseron, coa nosa recén estrenada máquina, decenas de bandeiríns. Finalmente, as  e os profes montamos o campo da feira co maio no centro.

Durante as primeiras horas da mañá, montamos o Maio cos fiunchos, xestas e frores silvestres que trouxestes da casa. Quedounos ben xeitoso!!

Despois da hora de lecer, xuntámonos ao redor do castiñeiro e celebramos a nosa foliada. Cada titoría interpretou a cantiga escollida e ata tivemos bailadores e todo!!

RADIO NA BIBLIO: FALAMOS DAS LETRAS GALEGAS 2025

 As alumnas e alumnos de 2ºB estiveron traballando na aula sobre as Letras Galegas, a poesía tradicional e a figura das cantareiras. Con moita ilusión regálannos o seu primeiro podcast no que dialogan en torno a este día tan especial para todas nós:

 

Bon traballo!!!

OBRADOIRO IMPROVISADO DE COSTURA. PREPARÁNDONOS PARA AS LETRAS GALEGAS 2025

 Boas Rapaces!!!

Esta semana está sendo de tolos!! Dende que as profes se lles ocurriu celebrar as Letras Galegas cunha foliada a BIBLIOTECA está chea de xente traballando. A máquina de coser bota lume da velocidade coa que algúns lle fan coser os bandeiríns para adornar o patio.

                                        

Outros andan no Laboratorio de Radío preparando a lista de cantigas e redactando as presentacións.

No patio, algunhas andan xa quentando ferreñas , practicando as cantigas e argallando a estrutura do maio.

                                                        

Estamos moi contentas de ver canto estades desfrutando da Biblioteca dende a súa inauguración.

Parabéns a todas e todos polo traballo 👏👏👏.

CELEBRAMOS O DÍA DO LIBRO. APADRIÑAMENTOS LECTORES.

 Boas, rapazada!

Deixámosvos o video da celebración do Día do Libro. Este ano, ademais da inaugurar a biblioteca, celebramos unha xornada  de Apadriñamentos Lectores.

Feliz Día do Libro!!

INAUGURAMOS A BIBLIOTECA!! DÍA DO LIBRO

 

Boas Rapazada!!! Por fin! Chegou o desexado día... inauguramos a BIBLIOTECAAAA! Foi un día cheo de emocións e nervios xa que levabamos moito tempo traballando para poder abrir e desfrutar do distintos espazos da biblioteca, xa amañada e e chea de recursos para poder investigar, desfrutar de historias incribles, xogar e crear no laboratorio da radio, no recuncho de costruccións, arte ou no de costura. Neste día estivemos moi ben acompañadas !!

DÍAS DA AUGA, AS ÁRBORES E A POESÍA 21 e 22 de marzo 2025

 Xa estamos na primaveira...os prados énchense de frores e os niños de xeitosos ovos que logo han de romper e encher o ar de arrechouchíos.

Chegou tamén o día da árbore, da auga e da poesía e este ano decidimos celebralos xuntos buscando unha cantiga na que se falase dos ríos, dos traballos que as mulleres facían no rio, das distintas formas da auga, e das árbores.

Puidemos buscar as cantigas en distintas fontes de información:

- Preguntando ás avoas.

- Consultando o Cancioneiro popular Galego na biblioteca ou en formato dixital:

https://cancioneiro.fundacionbarrie.org/

- Consultando o Arquivo Patrimonio Oral da Identidade (APOI) do Museo do Pobo Galego:

http://apoi.museodopobo.gal/

Unha vez elexida a cantiga, cada titoría traballou a cantiga, reflexionando sobre a súa rima, a temática, as cantigas e a tradición oral. Aprendemos as cantigas, cantámolas e para darlles vida, escribímolas nun lazo azul que simbolizaba a auga e colgámolas das árbores do patio.

As rapazas e rapaces de 4°A foron de paseo ao Río Miño, o noso veciño,  e aproveitaron para cantarlle "Adios Rios, Adios Fontes"

                                        

Bo traballo, rapaces!!

CONTACONTOS PACO NOGUEIRAS

Esta semana as nenas e nenos de EI tiveron unha visita moi especial. Veu Paco Nogueiras cargado de contos e cancións para compartir con todas nós: Bim Bam Bum,último premio Compostela de Álbumes ilustrados. Violín, Un dous, tres. Que ves?, Polo mar salgado, Cinco ratiños, Tarde de sapo, A que sabe a lúa? Aquí vos deixamos algunhas fotos da actuación.

CELEBRAMOS o 8 de marzo. ENTREVISTAS ÁS NOSAS AVOAS. (RADIO)

 

Este curso, para reivindicar a igualdade e reflexionar sobre a situación da muller na sociedade, pedímoslles ás nosas alumnas e alumnos que entrevistasen ás súas avoas sobre os traballos que desenvolveron durante a súa vida e sobre como se organizaron para desenvolver eses traballos, ocuparse dos fillos e das tarefas da casa.

En primeiro lugar, todas as titorías traballaron nas aulas a temática e a estrurtura da entrevista.

Cada aula decidíu como desenvolvería esas entrevistas e como ides ver algúns decidiron facela por escrito, outros gravaron en vídeo e na aula de 5º de EP, aproveitando a formación que recibiron no Obradoiro de Radio na Biblio, fixeron PODCASTS.

Para presentarvos este fermoso traballo desevolto polo noso alumnado achegámosvos unha revista en PDF, un video e os PODCASTS elaborados:

REVISTA 8M

VÍDEO ENTREVISTAS 8M

PODCASTS

Moitas grazas a todas!!!

DÍA INTERNACIONAL DA MULLER E A NENA NA CIENCIA 2025

 Para conmemorar o Día Internacional da Muller e a Nena na Ciencia, contamos coa científica Eva García Álvarez, bióloga e bioinformática que conta cun amplo e destacado currículum. Na actualidade traballa nun proxecto de investigación sobre o cancro  na USC.

As mulleres tiveron ao longo da historia un papel moi pouco recoñecido en todos os ámbitos e o científico foi un deles. Coa presencia de Eva queremos poñer un exemplo cercano para facer visible que con esforzo e traballo é posible conseguir as nosas metas.

O alumnado de 4º, 5º e 6º de EP, moi interesado e involucrado, puido comprobalo coa magnífica exposición de Eva.

Seguro que será un exemplo a seguir!!

CELEBRAMOS O ENTROIDO 24/25

 Este venres 28 de febreiro celebramos o Entroido no cole. O patio encheuse de ras, peixes, píntegas, lontras, parrulos, garzas, cormoráns, lagartos, algas, cangrexos,.. tamén había xacias e mouras...moitos pecadores e por suposto, unha cuadrilla de limpeza que non vai deixar que o lixo estrague o Rio Miño, O noso veciño!!!

Moitas grazas a todas e todos por paRticipar!