Blog da Biblioteca do C.E.I.P. A Ponte de Lugo

DÍA INTERNACIONAL DA MULLER E A NENA NA CIENCIA 2025

 Para conmemorar o Día Internacional da Muller e a Nena na Ciencia, contamos coa científica Eva García Álvarez, bióloga e bioinformática que conta cun amplo e destacado currículum. Na actualidade traballa nun proxecto de investigación sobre o cancro  na USC.

As mulleres tiveron ao longo da historia un papel moi pouco recoñecido en todos os ámbitos e o científico foi un deles. Coa presencia de Eva queremos poñer un exemplo cercano para facer visible que con esforzo e traballo é posible conseguir as nosas metas.

O alumnado de 4º, 5º e 6º de EP, moi interesado e involucrado, puido comprobalo coa magnífica exposición de Eva.









Seguro que será un exemplo a seguir!!

CELEBRAMOS O ENTROIDO 24/25

 Este venres 28 de febreiro celebramos o Entroido no cole. O patio encheuse de ras, peixes, píntegas, lontras, parrulos, garzas, cormoráns, lagartos, algas, cangrexos,.. tamén había xacias e mouras...moitos pecadores e por suposto, unha cuadrilla de limpeza que non vai deixar que o lixo estrague o Rio Miño, O noso veciño!!!


Moitas grazas a todas e todos por paRticipar!

13 FEBREIRO: DÍA MUNDIAL DA RADIO 24/25

 

Cando o 14 de maio de 1879 o italiano Guillermo Marconi realizou a primiera transmisión por radio pouco podía imaxinar que o seu invento sería esencial para salvar vidas, resultando fundamental no rescate dos náufragos do Titanic.

Hoxe en día, a radio, a pesar da chegada das novas tecnoloxías, segue a estar presente en moitas casas e a desenvolver un importante papel como medio de información e formación.
Na escola, A RADIO é unha ferramenta didáctica moi interesante que axuda a fornecer as competencias lingüísticas, favorece o traballo colaborativo, desenvolve o pracer pola lectura e a expresión, permite adaptar os contidos curriculares aos intereses dos rapaces, desenvolve a creatividade, o sentido crítico, o respecto do turno de palabra, que tanto nos costa hoxe en día... ,en fin, aporta unha enorme lista de beneficios que non deberiamos desperdiciar.


Para celebrar o Día Mundial da Radio no Ceip A Ponte, o alumnado de 5ºEP desfrutou dun entretido obradoiro de radio a cargo de Damián Alonso, de Ponte Nas Ondas. Durante toda a mañá reflexionamos sobre a presencia da radio no noso día a día, falamos de como podemos usar a radio na escola, o tipo de programas que podemos facer, fixemos exercicios de dicción e finalmente programamos e gravamos un programa ben divertido que compartimos con todas vós.



 




FELIZ DÍA DA RADIO!!

ENTROIDO 2025: OS SERES DO MIÑO

 Boas rapazada!!!

Xa chega o Entroido ao CEIP A Ponte. Este ano, traballamos coa temática do noso PDI: "O Río Miño, o noso veciño" e por iso, ímonos disfrazar de seres que habitan no río, reais ou míticos.

Per antes temos os MANDADOS DO MECO. Non vos esquezades!!!



 Animádevos a participar!!






PONTE NA RADIO: PERSONAXES HISTÓRICOS DA PAZ

 

O 30 de xaneiro celebramos o Día Escolar da Non Violencia e da Paz. As nenas e nenos de 6º de EP investigaron sobre a vida de numerosos personaxes relacionados coa Paz Mundial e compartiron o seu traballo con nós a través deste interesante podcast. Non deixedes de escoitalo!!!


DÍA ESCOLAR DA NON VIOLENCIA E A PAZ

 O día 30 de xaneiro celebramos o . DÍA ESCOLAR DA NON VIOLENCIA E A PAZ

"Unha educación inspirada nunha cultura de non violencia e paz permite ás nosas nenas e nenos adquirir coñecementos, atitudes e competencias que reforcen o seu desenvolvemento como cidadáns globais críticos e comprometidos cos seus dereitos e os doutras persoas"(Unicef).

Proposta de traballo

INVESTIGAMOS XUNTOS



Recursos


EI e 1º Ciclo: Lunnis leyenda de Ghandi

https://youtu.be/nttBWEGRUng?si=c570hWL7y6oCJgW2

EP

Por que se celebra o DÍA ESCOLAR DA NON VIOLENCIA E A PAZ  o 30 de xaneiro?

https://www.unicef.es/educa/dias-mundiales/dia-escolar-no-violencia-paz

QUE É UN SÍMBOLO?. CALES SON OS SIMBOLOS DA PAZ?

https://www.unicef.es/educa/blog/simbolos-de-paz

PERXONAXES HISTÓRICOS RELACIONADOS COA PAZ

https://youtu.be/2B6YYBScPkQ?si=mC5ABwHEpRpJp5hY

https://youtu.be/GCX0SbslKDk?si=HccWSfEIs1zwrMbt

...

TRABALLAMOS XUNTOS

EI e 1ºCiclo

- Coñecemos e creamos os símbolos da PAZ

- Realizamos quebracabezas das personaxes propostas.

2º e 3º Ciclo 

- Traballamos a temática  e  creamos tarxetas sobre os personaxes históricos relacionados coa PAZ.




- Creamos un guión para facer un programa de radio no que trasmitamos ás nosas compañeiras  a información recollida.

TODO O COLE

Traballamos co conto "Cartas en el bosque" de Susana Isern



Elaboramos un cariñograma. Cada nena/o escribirá o seu nome nun sobre que quedará colocado na aula a modo de caixa de correo e que utilizaremos como ferramenta para solucionar os confitos que xurdan na aula ao longo do curso.

Aproveitando a actividade traballaremos co alumnado de primaria a estrutura dunha carta e redactaremos cartas de amizade, desculpa, ... para os nosos compañeiros.

Para o alumnado de infantil e 1º ciclo de EP  facilitamos un modelo de vale para que poidan coller e meter no sobre dos compañeiros sempre que o precisen.






Feliz Día da PAZ!